ශ්‍රී ලංකාව ආශ්‍රිතව සිදුවන භූකම්පන පිළිබඳ නිසි අධ්‍යනයක් සිදුකළ යුතු බව පේරාදෙණිය විශ්ව විද්‍යාලයේ භූගෝල විද්‍යාව පිළිබඳ මහාචාර්ය අතුල සේනාරත්න මහතා පවසනවා.
ඔහු කියා සිටින්නේ මීට අදාළව මෙරට අධි සංවේදී කලාපවල භූකම්පන මාන සවි කිරීමට කඩිනම් පියවර ගත යුතු බවයි.
මේ අතර හම්බන්තොට වෙරළට කිලෝමීටර් 25.8ක් ඔබ්බෙන් වූ පිහිටි මුහුදේ සුළු භූකම්පනයක් ඊයේ (24) අළුයම 12.45ට පමණ හටගෙන තිබුණා.
මෙහි බලපෑම බදුල්ල, මහනුවර සහ මාවනැල්ල යන ප්‍රදේශයට ද දැනී ඇති බවයි වාර්තා වන්නේ.
භූ විද්‍යා සමීක්ෂණ හා පතල් කැණීම් කාර්යාංශය පැවසුවේ එම භූකම්පනය රික්ටර් මාපාංක 4.4ක ප්‍රබලත්වයෙන් සටහන් කළ යුතු බවයි.
මේ අතර පසුගිය පෙබරවාරි 10 වනදා සිට භූචලන සිදුවීම් රැසක් මෙරටින් වරින්වර වාර්තා වුණා.
ඒ මොනරාගල, බුත්තල, වැල්ලවාය, කුඹුක්කන, ඔක්කම්පිටිය, ත්‍රිකුණාමලය සහ කිරින්ද ඇතුළු ප්‍රදේශ කිහිපයෙන්.