පසුගිය පෙබරවාරි 14 දා වැලිපැන්න, ගල්මත්ත ප්රදේශයේ පටු මාර්ගයකදී යතුරුපැදි හෙල්මට්වලින් පහරදී 34 හැවිරිදි පුද්ගලයෙකු ඝාතනය කිරීමට අදාලව මතුගම මහේස්ත්රාත් අධිකරණයේ නියෝගයක් මත මාකොළ ළමා නිවාසයේ රඳවා සිටි සැකකාර දරුවන් තිදෙනා භාරව සිටි බන්ධනාගාර නිලධාරීන් තිදෙනෙකුගේ වැඩතහනම් කර තිබේ.
අනාරක්ෂිතව අධික වේගයෙන් යතුරුපැදි ධාවනය නොකරන ලෙස කළ අවවාදයකට උරණ වී මෙම පාසල් සිසුන් තිදෙනා හෙල්මට්වලින් පහර දී ඝාතනය කර තිබුණ් රංග විරාජ් නැමැති 34 හැවිරිදි එක් දරු පියෙකි.
මෙම නඩුව පසුගිය අප්රේල් 18 දා යළි කැඳවූ අතර සැකකාර දරුවන් තිදෙනා එම නඩු කටයුත්තෙන් අනතුරුව යළි රැඳවුම් මධ්යස්ථානයකට රැගෙන යමින් තිබූ බන්ධනාගාර දෙපාර්තමේන්තුවේ වෑන් රථය මග දී නවත්වා එම දරුවන්ට බඩු භාණ්ඩ පාර්සල් ලබාදීමට පිරිසක් කටයුතු කළ බවට බන්ධනාගාර බුද්ධි අංශය වෙත වීඩියෝ සාක්ෂිද සහිතව ලැබී තිබුණු පැමිණිලලක් මත පදනම්ව මෙම වැඩ තහනම් කිරීම සිදුකර තිබේ.
මෙම භාණ්ඩ ලබා දී ඇත්තේ එම එක් සැකකාර දරුවෙකුගේ මාමා කෙනෙක් බව වාර්තා වේ.
සිද්ධිය නිවේදනයක් නිකුත් කරමින් බන්ධනාගාර මාධ්ය ප්රකාශක, අතිරේක බන්ධනාගාර කොමසාරිස් ජනරාල් චන්දන ඒකනායක පවසා සිටින්නේ බන්ධනාගාර බුද්ධි අංශය වෙත ලද වීඩියෝවකට අදාළව එම නිලධාරීන් තිදෙනාගෙන් ප්රකාශ ලබාගැනීමෙන් අනතුරුව විනය පරීක්ෂණයකට යටත්ව එම තීරණය ගත් බවය.
සිද්ධිය සම්බන්ධයෙන් බන්ධනාගාර දෙපාර්තමේන්තුව මේ වන විට පුළුල් විමර්ශනයක් ආරම්භ කර ඇතැයි ද චන්දන ඒකනායක අදාළ නිවේදනයේ වැඩිදුරටත් සඳහන් කර තිබේ.
ඒ අනුව ඉදිරියේදී විමර්ශන කටයුතු අවසන් වීමෙන් පසු වැඩතහනම් කළ නිලධාරීන් සම්බන්ධයෙන් දැඩි විනය පියවර ගැනීමට බලාපොරොත්තු වන බව ද ඔහු සඳහන් කර ඇත.
යාපනයේ පෙරියවිලාන් ප්රදේශයේ 13 හැවිරිදි පාසල් සිසුවෙකු සිය නිවසේදී ගෙල වැළලාගෙන මියගොස් තිබෙනවා. මේ දරුවා…
ඊයේ (16) පැවති පහ ශ්රේණිය ශිෂ්යත්ව විභාගයේ ප්රශ්න පත්රය වට්ස්ඇප් මාධ්ය ඔස්සේ හුවමාරු වී ඇති…
2024 ජනාධිපතිවරණය විශේෂ රාජකාරී සහ ආරක්ෂාව වෙනුවෙන් පොලිස් නිලධාරීන් 60,000ක් යෙදවීමට තීරණය කර ඇති බව…
හැටන්, නුවරඑළිය මාර්ගයේ නානුඔය වින්ඩිකොනර් ප්රදේශයේදී සිදු වූ රිය අනතුරකින් පුද්ගලයෙකු තුවාල ලබා මේ වනවිට…
කඩවත නගරයේ හෝටලයක ෆේස්බුක් සාදයකට එක්ව මත්ද්රව්ය භාවිත කරමින් සිටි තරුණයින් 14දෙනෙකු අත්අඩංගුවට ගෙන තිබෙනවා.…
වලංගු රියැදුරු බලපත්රයක් නොමැතිව කාර් රථයක් පැදවීමේ සිද්ධියක් සම්බන්ධයෙන් මීරිගම ප්රදේශයේ විහාරස්ථානයක වැඩවාසය කරනු ලබන…