පාස්කු ප්‍රහාරයේ විමර්ශනවලට අදාලව ලබන සඳුදා (24) අනිවාර්යයෙන් ත්‍රස්ත විමර්ශන කොට්ඨාසය හමුවේ පෙනීසිටින්නැයි ද එසේ නොමැතිනම් නීතිමය පියවර ගන්නා බව ද හිටපු නීතිපති දප්පුල ද ලිවේරාට ත්‍රස්ත විමර්ශන කොට්ඨාසය ලිඛිතව දැනුම් දී ඇත.
අද 21 දිනයේ හිටපු නීතිපති දප්පුල ද ලිවේරා ත්‍රස්ත විමර්ශන කොට්ඨාසය හමුවේ පෙනී සිටීමට නියමිතව තිබූ නමුත් තමන් වත්මන් නීතිපතිවරයා සහ ශ්‍රී ලංකා නීතිඥ සංගමය සමඟ සිදුකළ සාකච්ඡාවක් හේතුවෙන් අද දිනයේ ත්‍රස්ත විමර්ශන කොට්ඨාසයට නොපැමිණි බව එම කොට්ඨාසයට ලිඛිතව දන්වා ඇත.
පසුගිය 19 වනදා පළමු වරට හිටපු නීතිපතිවරයාට ප්‍රකාශයක් ලබාදීමට පැමිණෙන ලෙස ත්‍රස්ත විමර්ශන කොට්ඨාසය විසින් දන්වා තිබිණි.
ඔහු ඒ අවස්ථාව සඳහා නීතිඥවරයෙක් ඉදිරිපත් කළේය.
තිබුණද එදිනද ඔහු එහි පැමිණියේ නැහැ. ඒ වෙනුවෙන් නීතීඥවරයෙකු එහි පැමිණ තිබුණා.