ගුණාත්මක සංචාරක කර්මාන්තයක් පවත්වාගෙන යාම සදහා දකුණු පළාතේ සංචාරක පහසුකම් සපයන සියලු කණ්ඩායම් රුහුණු සංචාරක කාර්යංශයේ ලියාපදිංචිකොට ඔවුන් බලගැන්විම සදහා පුහුණු වැඩමුළු හා අවශ්‍ය පහසුකම් සපයාදිමට කටයුතු කරන බැව් රුහුණු සංචාරක කාර්යංශයේ සභාපති චන්න සාලිය මෙන්ඩිස් පවසයි.
සංචාරක මගපෙන්වන්නන්, සංචාරක කලාපවල ත්‍රි රෝද රථ රියදුරන්, දෙස් විදෙස් සංචාරකයින් ප්‍රවාහනය කරණු ලබන රියදුරන්, යාල සෆාරි ජිප්රථ රියදුරන්, ගංගා සහ කලපු ආශ්‍රිතව සංචාරක සේවා සපයනු ලබන පුද්ගලයින් සදහා නිල හැදුනුම්පතක් මෙන් නිල ඇදුමක් ලබාදිමට කටයුතු කරණ බවද රුහුණු සංචාරක කාර්යංශයේ සභාපතිවරයා පවසයි.
දැනටමත් යාල වනෝද්‍යානයේ සෆාරි ජිප්රථ හිමියන් 650 දෙනෙකු සදහා අවශ්‍ය පුහුණුවිම් ලබා දි ඇති බවද හෙතෙම පවසයි.
මාදු ගංග ආශ්‍රිතව සංචාරකයින් සදහා සේවා සපයන බෝට්ටු 350ක් පමණ ඇතත් ඉන් පළාත් පාලන ආයතනවල ලියාපදංචි වි ඇත්තේ බෝටිටුහිමියන් 99 දෙනෙකු පමණක් බවද චන්න සාලිය මෙන්ඩිස් මහතා පවසයි.
ඉදිරියේ දි මෙකි බෝට්ටු හිමියන්ය අවශ්‍ය පුහුණුවිම් ලබා දි රුහුණු සංචාරක කාර්යංශයේ ලියාපදිංචිකොට බලපත්‍රයක් හා නිල ඇදුමක් ලබාදීමට කටයුතු කරන බවද රුහුණු සංචාරක කාර්යංශයේ සභාපතිවරයා වැඩිදුරටත් සඳහන් කළේය.