අඹේවෙල සිට තලවකැලේ කොත්මලේ ජලාශය දක්වා ජලය ගලා බසින කොත්මලේඔයේ වෙසෙන මසුන් (16) දින සිට හදිසියේ මියයන බවත්, එසේ මිය ගොස් ඇති මත්ස්‍යයින් ආහාර සදහා නොගන්නා ලෙස නුවරඑලිය දිස්ත්‍රික් සෞඛ්‍ය සේවා අධ්‍යක්ෂකවරයා ඔය දෙපස පදිංචිකරුවන්ගෙන් ඉල්ලා සිටියි.
අඹේවෙල සිට මෙරායා , ඇල්ජින් අගරකන්ද දක්වා කිලෝමිටර් 12 ක් පමණ දුරට ගගේ වෙසෙන මසුන් අභිරහස් ලෙස මිය යන බවත්, එසේ මියයන මසුන් ඔය දෙපස පදිංචි වතු කම්කරුවන් සහ ප්‍රදේශවාසින් විසින් රැගෙන යන බවත්, එසේ රැගෙන යන මසුන් ආහාර සදහා භාවිතා නොකරන ලෙසයි නුවරඑලිය දිස්ත්‍රික් සෞඛ්‍ය සේවා අධ්‍යක්ෂක නිශ්ශංක විජේවර්ධන මහතා ජනතාවගෙන් ඉල්ලා සිටින්නේ.
තවද කොත්මලාඔයේ මසුන් හදිසියේ මියයාම සම්බන්ධයෙන් විමර්ෂණයක් සිදු කරන ලෙසට ලිදුල සෞඛ්‍ය වෛද්‍ය නිලධාරි වෛද්‍ය රිෂි තුරෙයිරාජා මහත්මිය සහ මහජන සෞඛ්‍ය පරික්ෂකවරුන් පිරිසක් එම ප්‍රදේශයට යවා ඇති බවයි. තලවකැලේ පශු වෛද්‍ය සුරේෂ් කුමාර් මහතා කියා සිටියේ කොත්මලේ ඔයේ මසුන් මියයයාම සම්බන්ධයෙන් විමර්ෂණයක් ආරම්භ කර ඔයේ ජල සාම්පල් සහ මියගිය මත්ස්‍යයින් කිහිප දෙනෙකු පේරාදෙණිය ගන්නොරුවේ පිහිටි පසු පරික්ෂණ මධ්‍යස්ථානය වෙත කර ඇති බවයි.
අඹේවෙල සිට තලවකැලේ ඉහල කොත්මලේ ජලාශය දක්වා කිලොමිටර් 40 ක් පමණ දුරට ජලය ගලා බසින බවත්, කොත්මලාඔයේ ජලය කළු පැහැයෙන් ගලා බසින නිසා තවදුරටත් ඉහල කොත්මලේ ජලාශය දක්වා මසුන් මියයාමට ඉඩ ඇති බැවින් ඒ පිලිබදව ඔය දෙපස පදිංචිකරුවන් විමසිල්ලෙන් සිටින ලෙසත්, පවත්නා තත්ත්වය මත කොත්මලාඔයේ ජලය භාවිතයට නොගන්නා ලෙසයි නුවරඑලිය දිස්ත්‍රික් සෞඛ්‍ය සේවා අධ්‍යක්ෂකවරයා ජනතාවගෙන් ඉල්ලා සිටින්නේ.
මාතර සිට හම්බන්තොට හරහා පොතුවිල් දක්වා සහ කන්කසන්තුරයේ සිට මන්නාරම හරහා පුත්තලම දක්වා මුහුදු ප්‍රදේශවල…
අධ්‍යාපන ආයතන සඳහා විදෙස් සිසුන් බඳවා ගැනීම තවදුරටත් අවම කිරීමට කැනේඩියානු රජය තීරණය කර තිබෙනවා.…
පහ ශ්‍රේණිය ශිෂ්‍යත්ව විභාග සම්බන්ධයෙන් අධ්‍යාපන අමාත්‍යාංශය විශේෂ නිවේදනයක් නිකුත් කර තිබෙනවා. එහි සඳහන් වන්නේ,…
සංචාරක නවසීලන්තය කණ්ඩායම සහ ශ්‍රී ලංකා කණ්ඩායම අතර ගාල්ල ජාත්‍යන්තර ක්‍රිකට් ක්‍රීඩාංගණයේ දී පැවැත්වෙන පළමු…
පොළොන්නරුව බකමූණ ප්‍රදේශයේ ප්‍රධාන පෞද්ගලික ඇඟලුම් කර්මාන්තයක ආහාර විෂ වීමකින් අසාධ්‍ය වූ එහි සේවක සේවිකාවන්…
හිටපු සෞඛ්‍ය අමාත්‍යය කෙහෙළිය රඹුක්වැල්ලගේ පුත් රමිත් රඹුක්වැල්ලට අයත් සුඛෝපභෝගී නිවාස දෙකක් පරිහරණය කිරීම තහනම්…