ජපාන අගමැති ෆුමියෝ කිෂිඩාගේ ප්‍රධානත්වයෙන් එරට වකයාමා හි පැවති මහජන හමුවක් අතරතුර දී අගමැතිවරයා ඉලක්ක කර දුම් බෝම්බ ප්‍රහාරයක් එල්ලවී තිබේ.
ඒ සමග අගමැතිවරයා ආරක්ෂිතව එම ස්ථානයෙන් ඉවතට රැගෙන යාමට ආරක්ෂක අංශ සමත්වූ බව විදෙස් මාධ්‍ය වාර්තා කරයි.
දුම් බෝම්බ ප්‍රහාරය එල්ල කළ පුද්ගලයා අල්ලා ගැනීමට රැස්ව සිටි පිරිස සමත්ව ඇති අතර පසුව ඔහු ආරක්ෂක අංශ භාරයට ගෙන තිබේ.
ප්‍රහාරයෙන් කිසිවෙකුටත් හානි සිදුවී නොමැත.
ජපානයේ මෙවැනි ප්‍රචණ්ඩකාරී ක්‍රියා ඉතා දුලබ වුවද මේ වනවිට එරට දේශපාලනඥයින්ගේ ආරක්ෂාව සම්බන්ධයෙන් පවතින්නේ දැඩි අවිනිශ්චිතභාවයකි.
ජපාන හිටපු අග්‍රාමාත්‍ය ෂින්ෂෝ අබේ මහතාද මියගියේ එලෙස ජනහමුවක් අතරතුර එල්ලවූ වෙඩි ප්‍රහාරයකිනි.