සියලුම ඉන්ධන පිරවුම්හල් සම්බන්ධයෙන් අද පැවති සාකච්ඡාවකදී විශේෂ තීරණ රැසක් ගෙන තිබේ.
ලංකා ඛණිජ තෙල් නීතිගත සංස්ථාවේ සහ තොග ගබඩා පර්යන්තයේ පාලන අධිකාරිය සහ නිලධාරීන් සමග පැවති ප්‍රගති සමාලෝචන හමුවකදී ඉන්ධන සැපයුම සම්බන්දයෙන් මෙම තීරණ ගත් බව අමාත්‍ය කංචන විජේසේකර පවසයි.
ට්විටර් පණිවුඩයක් නිකුත් කරමින් අමාත්‍යවරයා මේ බව සඳහන් කර ඇත.
ඒ අතර ඉන්ධන ටැංකි ගබඩා තුල ධාරිතාවෙන් අවම 50%ක ඉන්ධන තොග පවත්වාගෙන යා යුතු බවට තීරණය කර තිබේ.
මේ අතර වැඩිදුරටත් සඳහන් කර ඇත්තේ ආයතනය සතු සියලුම ටැංකි රථ වෙනුවෙන් GPS මෙවලම් සවි කිරීම අප්‍රේල් 15වන දා වන විට අවසන් කරන බවය.
එසේම පෞද්ගලික ටැංකි රථ වෙනුවෙන්ද එය ඉදිරියේදී ක්‍රියාත්මක කෙරෙන බව අමාත්‍යවරයා වැඩිදුරටත් පවසයි.