ඔස්ට්‍රේලියාවෙන් බිහිවූ විශිෂ්ට පිතිකරුවෙක් ලෙස සැලකෙන සහ ජනප්‍රිය ක්‍රිකට් තරුවක් මයිකල් ස්ලේටර් ට එරෙහිව “පොලිසියට පහරදුන්” බවට චෝදනා එල්ලවී තිබේ.
කුවීන්ස්ලන්තයේ පිහිටි ජනප්‍රිය නිවාඩු නිකේතන සහිත නගරයකදී ඔහු පොලිස් නිලධාරීන්ට පහරදුන් බවට වාර්තා පළවිය.
පොලිස් ප්‍රකාශකයෙක් පැවසුවේ පසුගිය සිකුරාදා වාර්තා වූ එම සිද්ධියෙන් පොලිස් නිලධාරියෙක්ට තුවාල සිදුවූ බවය.
නූසා නම් ප්‍රදේශයේ සිදුවූ බව පැවසෙන ගෘහස්ත පහරදීමක් සම්බන්ධ පැමිණිල්ලක් සම්බන්ධයෙන් සොයා බැලීමට ගිය විට පොලිස් නිලධාරීන් හා ස්ලේටර් අතර උණුසුම් තත්ත්වයක් ඇතිවිය.
මෙම සිද්ධිය සම්බන්ධයෙන් 53 හැවිරිදි ස්ලේටර් මැයි 2 වනදා අධිකරණයට ඉදිරිපත් කිරීමට නියමිතය.