දේශීය සහ ආනයනික කිරිපිටිවල නව මිල මෙන්න !

දේශීය සහ ආනයනික කිරිපිටිවල මිල අඩු කිරීම සම්බන්දයෙන් දේශීය කිරිපිටි නිෂ්පාදකයෝ සිය අදහස පළ කර තිබේ.

ඒ අනුව ආනයනික කිරිපිටි මිල අඩු කළ ද කිරිපිටි මිලෙහි කිසිදු අඩුවීමක් සිදු නොවන බව දේශීය කිරිපිටි නිෂ්පාදකයෝ පවසති.

පසුගිය සතියේ ශ්‍රී ලංකාවේ කිරිපිටි ආනයනකරුවන් ප්‍රකාශ කළේ අද (27) සිට ආනයනික කිරිපිටි මිල අඩු කරන බවයි.

ආනයනකරුවන්ට අනුව ආනයනික කිරිපිටි කිලෝග්‍රෑම් 1 පැකට්ටුවක මිල රු. 200, නව මිල රු. 2900

ආනයනික කිරිපිටි ග්‍රෑම් 400 පැකට්ටුවක මිල රු. 80 ක නව මිල රු. 1160.

කෙසේ වෙතත්, දේශීය කිරිපිටි නිෂ්පාදන සමාගම් වන මිල්කෝ සහ පැල්වත්ත ප්‍රකාශ කර ඇත්තේ දේශීය කිරිපිටිවල මිල අඩු කිරීමක් සිදු නොවන බවයි.

සීමාසහිත MILCO පුද්ගලික සමාගමේ සභාපති රේණුක පෙරේරා මහතා සඳහන් කළේ දේශීය ගොවීන්ගෙන් ලබාගන්නා කිරි තොගය අඩුවීම ඊට හේතුව බවයි.ඔහු කියා සිටියේ දිනකට කිරි ලීටර් ලක්ෂ 12කට ආසන්න ප්‍රමාණයක් ලබා දුන් දේශීය ගොවීන් දැන් ලබා දෙන්නේ කිරි ලීටර් ලක්ෂ පහක් පමණක් බවයි.

ඒ අනුව දැනට දේශීය කිරිපිටි මිල අඩු කිරීමට නොහැකි බව මිල්කෝ සභාපතිවරයා පැවසීය.

මේ අතර, ආනයනික කිරිපිටි මිල අඩු කිරීම හේතුවෙන් දේශීයව නිෂ්පාදනය කරන කිරිපිටිවල මිල අඩු කිරීමේ අවශ්‍යතාවක් නොමැති බව පැල්වත්ත කිරි නිෂ්පාදන සමාගමේ සභාපති ආරියසීල වික්‍රමනායක මහතා පැවසීය.