ඉන්දීය ණය යෝජනා ක්‍රමය යටතේ මෙරටට ලැබුණු මුදලෙහි පළමු වාරිකය ලෙස ඇමරිකානු ඩොලර් දසලක්ෂයක් ගෙවා අවසන් කළ බව මුදල් රාජ්‍ය අමාත්‍ය රංජිත් සියඹලාපිටිය පවසනවා.
ජාත්‍යන්තර මූල්‍ය අරමුදලෙන් (IMF) මෙරටට ලැබුණු විස්තීර්ණ ණය පහසුකමෙහි පළමු වාරිකය වූ අමරිකානු ඩොලර් මිලියන 330 ක මුදලින් එම ඉන්දීය ණය වාරිකය ගෙවූ බවයි මුදල් රාජ්‍ය අමාත්‍යවරයා කියා සිටියේ.
මුදල් රාජ්‍ය අමාත්‍යවරයා මේ බව අනාවරණ කළේ කෑගල්ලේ පැවති උත්සවයකින් අනතුරුව ජාත්‍යන්තර මූල්‍ය අරමුදලෙන් ලැබෙන මුදල් වියදම් කරන ආකාරය සම්බන්ධයෙන් මාධ්‍යවේදීයෙකු නැඟූ ප්‍රශ්නයකට පිළිතුරු ලබා දෙමින්.