කටාර්හි පිහිටි සිව් මහල් ගොඩනැගිල්ලක් කඩා වැටී සිදුවූ අනතුරකින් ශ්‍රී ලාංකිකයෙකු මියගොස් තිබෙනවා.
මෙම ගොඩනැගිල්ල කඩා වැටී ඇත්තේ, කටාර් රාජ්‍යයේ බින් ඩර්හැම් හි, අල් මන්සූරා ප්‍රදේශයේදීයි.
මෙලස මියගොස් ඇත්තේ 56 හැවිරිදි පුද්ගලයෙකු බව අතර, ඔහුගේ පුත්‍රයා විසින් සිරුර හඳුනාගෙන තිබෙනවා.
ගොඩනැගිල්ල කඩා වැටීම හේතුවෙන් තවත් ශ්‍රී ලාංකිකයෙකු අතුරුදහන්ව ඇති බව විදේශ සේවා නියුක්ති කාර්යාංශය සඳහන් කළා.
මෙම ගොඩනැගිල්ල තුළ පවුල් 12කට අයත් සාමාජිකයින් පදිංචි වී සිටි බව සඳහන්.
එමෙන්ම මේ වනවිට ඔවුන් මුදාගෙන ඇති බවද විදෙස් මාධ්‍ය වාර්තා කර තිබෙනවා.