සාපරාධී අපහාස නඩුවකට ඉන්දීය විපක්ෂ නායක රාහුල් ගාන්ධිට ගුජරාට් ප්‍රාන්තයේ අධිකරණයක් විසින් වසර දෙකක සිර දඬුවමක් නියම කර තිබේ.
කොංග්‍රස් නායක රාහුල් ගාන්ධි ගුජරාට් ප්‍රාන්තයේ සූරත්හි අධිකරණයක් විසින් අගමැති නරේන්ද්‍ර මෝදිගේ වාසගම පිළිබඳව කළ ප්‍රකාශය සම්බන්ධයෙන් 2019 සාපරාධී අපහාස නඩුවකදී බ්‍රහස්පතින්දා වරදකරු වී වසර දෙකක සිර දඬුවමක් නියම කරන ලදී. කෙසේ වෙතත්, ඔහුට ඇප නියම වූ අතර තීන්දුවට එරෙහිව අභියාචනයක් ඉදිරිපත් කිරීමට ඉඩ දීම සඳහා ඔහුගේ සිර දඬුවම දින 30 කට අත්හිටුවන ලදී.
භාරතීය ජනතා පක්ෂ මන්ත්‍රී සහ හිටපු ගුජරාට් අමාත්‍ය පූර්ණේෂ් මෝඩි විසින් ගාන්ධි මහතාට එරෙහිව මෙම නඩුව ගොනු කර ඇත්තේ “සියලුම හොරුන්ට මෝඩි යන පොදු වාසගම ඇත්තේ කෙසේද?” යනුවෙන් කළ ප්‍රකාශය සම්බන්දයෙනි. 2019 ලෝක් සභා මැතිවරණයට පෙර කර්නාටකයේ කෝලාර් හි පැවති රැලියක් අමතමින් වයනාද් හි ලෝක් සභා මන්ත්‍රීවරයා මේ බව ප්‍රකාශ කළේ, පලාගිය ව්‍යාපාරිකයන් වන නිරාව් මෝඩි සහ ලලිත් මෝඩි සමඟ බෙදා ගන්නා ඔහුගේ වාසගම සම්බන්ධයෙන් අගමැති මෝදි ඉලක්ක කරමිනි.