තේ ශාකය ආශ්‍රයෙන් ළදරු සබන් නිෂ්පාදනය කිරීමට තලවකැලේ තේ පර්යේෂණ ආයතනය සමත්වී තිබෙනවා.
නැවුම් තේ දලු වල සාරය යොදා ගනිමින් මෙම සබන් වර්ගය නිෂ්පාදනය කර ඇති අතර ඊට නැවුම් සුවඳක් එක් කිරීම සඳහා කළු තේ සුවඳ සහ විෂබීජ නාශකයක් ලෙස භාවිත කරන මෙතිල් සැලිසිලේට් භාවිත කරනු ලබනවා.
ස්වාභාවික අමුද්‍රව්‍යවලට මුල්තැන දෙමින් මෙම සබන් නිෂ්පාදනය කර ඇති බැවින් එය භාවිතයෙන් ළඳරු සමට කිසිදු හානියක් නොවන බව තේ පර්යේෂණ ආයතනය පෙන්වා දෙනවා.
මේ වනවිටත් මෙම නිෂ්පාදනය පේටන්ට් බලපත්‍ර ලබා ගැනීමට යොමුකර ඇති බවයි වාර්තා වෙන්නේ.