හිටපු අග්රාමාත්ය මහින්ද රාජපක්ෂ සහ හිටපු මුදල් අමාත්ය බැසිල් රාජපක්ෂ යන මහත්වරුන්ට එරෙහිව පනවනු ලැබූ විදේශ ගමන් තහනම තවදුරටත් ක්රියාත්මක නොවන බව ශ්රේෂ්ඨාධිකරණය අද (22) ආගමන හා විගමන පාලකවරයාට දැනුම් දෙන්නැයි නියෝග කළේය.
වත්මන් ආර්ථික අර්බුදයට වගකිව යුතු පුද්ගලයින් සම්බන්ධයෙන් විමර්ශනයක් සිදුකරන නියෝගයක් නිකුත් කරන්නැයි ඉල්ලා ගොනුකළ මූලික අයිතිවාසිකම් පෙත්සම අද කැඳවූ අවස්ථාවේදී අගවිනිසුරු ජයන්ත ජයසූරිය මහතා ප්රමුඛ පංච පුද්ගල ශ්රේෂ්ඨාධිකරණ විනිසුරු මඬුල්ලක් විසින් මෙම නියෝගය නිකුත් කළේය.
අදාළ පෙත්සමේ වගඋත්තර කරුවන් වශයෙන් නම් කර සිටි හිටපු අග්රාමාත්ය මහින්ද රාජපක්ෂ සහ හිටපු මුදල් අමාත්ය බැසිල් රාජපක්ෂ යන මහත්වරුන් වෙනුවෙන් පෙනී සිටි ජනාධිපති නීතිඥ නවීන් මාරපන අධිකරණය හමුවේ කරුණු දක්වමින් තම සේවාදායකයන්ට පණවා තිබූ විදේශ ගමන් සීමා කිරීමේ නියෝගය ඉකුත් ඔක්තෝම්බර් මස 07 වැනිදායින් පසුව ශ්රේෂ්ඨාධිකරණය විසින් දීර්ඝ නොකළ බව පෙන්වා දුන්නේය.
එමෙන්ම, මේ බව ආගමන හා විගමන පාලකවරයාට දැනුම් දෙන නියෝගයක් නිකුත් කරන මෙන්ද ජනාධිපති නීතිඥවරයා අධිකරණයෙන් ඉල්ලා සිටියේය.
එම ඉල්ලීම පිළිගත් ශ්රේෂ්ඨාධිකරණය එම වගඋත්තරකරුවන් දෙදෙනාට නිකුත් කළ විදේශ ගමන් තහනම තවදුරටත් ක්රියාත්මක නොවන බව ආගමන හා විගමන පාලකවරයාට දැනුම් දෙන්නැයි ශ්රේෂ්ඨාධිකරණයේ රෙජිස්ට්රාර්වරයාට නියෝග කළේය.
https://youtu.be/GAAYQcqTggY?si=kqjRq9N8w1qZl68t
ජනාධිපති අපේක්ෂක නාමල් රාජපක්ෂ මහතාගේ බිරිඳගේ මව , දරු දෙදෙනා , සේවිකාවන් දෙදෙනෙකු සහ තවත්…
ජනාධිපතිවරණයේ පළමු ඡන්ද ප්රතිඵලය හෙට (21) රාත්රි 11.00 පමණ වනවිට නිකුත් කළ හැකි බවට විශ්වාස…
නිමාවට පත් වූ 05 ශ්රේණිය ශිෂ්යත්ව විභාගයේ ප්රතිඵල සමීක්ෂණය තාවකාලිවක අත්හිටුවීමට පියවර ගෙන ඇති බව…
ලබන ඔක්තෝබර් මස 03 වැනිදා එක්සත් අරාබි එමීර් රාජ්යයේදී ආරම්භ වීමට නියමිත විස්සයි විස්ස ලෝක…
හිටපු ජනාධිපති ගෝඨාභය රාජපක්ෂ මහතාද මේ වන විට දිවයිනෙන් පිටව ගොස් ඇති බව වාර්තා වෙනවා.…