මේවන විට මාධ්‍ය ආයතන කිහිපයක් විසින් උණුසුම් කතාබහක් මවා තිබෙන නව පොලිස්පතිවරයා ලෙස කුප්‍රකට ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතා පත්කර ඇති බවට වන වාර්තා සම්පූර්ණයෙන් අසත්‍ය බව වාර්තා වෙයි.
21 වන ආණ්ඩුක්‍රම ව්‍යවස්ථා සංශෝධනයට අනුව පොලිස්පතිවරයා පත්කිරීම ජනාධිපතිවරයාගේ අභිමතයට නොව ව්‍යවස්ථා සභාවේ නිර්දේශ මත සිදුවිය යුතු වනවා.
ඒ අනුව ජනාධිපතිවරයා නව පොලිස්පතිවරයා ලෙස පත්කිරීමට සුදුසු පුද්ගලයින් තිදෙනෙකුගේ නම් ව්‍යවස්ථා සභාව වෙත යැවීමෙන් අනතුරුව ජ්‍යෙෂ්ඨත්වය හා අනෙකුත් සුදුසුකම් අනුව ඉන් එක් පුද්ගලයෙක් ව්‍යවස්ථා සභාව විසින් නිර්දේශ කිරීමෙන් අනතුරුව නව පොලිස්පතිවරයා පත්වනවා.
කෙසේවෙතත් ව්‍යවස්ථා සභාව මෑත කාලයේ කිසිදු අවස්ථාව රැස් නොවූ අතර ජනාධිපති රනිල් වික්‍රමසිංහ මහතා එම සභාව වෙත නව පොලිස්පතිවරයා සම්බන්ධයෙන් නම් යැවීමක්ද සිදුකර නැහැ.
වෙනකක් තබා ව්‍යවස්ථා සභාව රැස්වීමට එහි සභාපතිවරයා වන කතානායකවරයා දිවයිනේවත් නොමැති පසුබිමක මෙම ව්‍යාජ පුවත සමාජගත කිරීම ඉතාමත් විහිළු සහගත වනවා.
පොලිස් ධූරාවලියේ ජ්‍යෙෂ්ඨත්වය මත ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතාට ඉහළින් තවත් ජ්‍යෙෂ්ඨ නියෝජ්‍ය පොලිස්පතිවරුන් දෙදෙනෙක් සිටිනවා.
ඒ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන හා ජ්‍යෙෂ්ඨ නියෝජ්‍ය පොලිස්පති ලලිත් පතිනායක යන අයයි.
ඒ අනුව ජ්‍යෙෂ්ඨත්ව ලැයිස්තුවේ දේශබන්දු තෙන්නකෝන් මහතා සිටින්නේ තුන්වන ස්ථානයේයි.
එමෙන්ම වර්තමාන පොලිස්පතිවරයා තවමත් විශ්‍රාම ගොස් නැති අතර එය එළැඹෙන 26 වනදා සිදුවීමට නියමිතයි.
කෙසේවෙතත් අපකළ සොයා බැලීමේදී වාර්තා වුණේ වර්තමාන පොලිස්පති සී.ඩී.වික්‍රමරත්න මහතා හටම සේවා දිගුවක් ලබාදීමට එළැඹෙන සඳුදා කැබිනට් මණ්ඩලය වෙත යෝජනාවක් ගෙන ඒමට සූදානමක් පවතින බවයි.
ඒ අතරතුර කළබල වූ පත්තර හිමිකාරයෙකුද වන දේශබන්දු තෙන්නකෝන් මහතාගේ ළඟම හිතවතෙකුද වන අමාත්‍යවරයෙක් මෙම සාවද්‍ය පුවත ඊයේ මධ්‍යම රාත්‍රියේ සිට සමාජගත කිරීමට කටයුතු කර තිබෙනවා.
දේශබන්දු තෙන්නකෝන් මහතා යනු මෑත ඉතිහාසයේ ශ්‍රී ලංකා පොලීසියේ සිටින වැඩිම චෝදනා ලාභී ජ්‍යෙෂ්ඨ නියෝජ්‍ය පොලිස්පතිවරයායි.
පාස්කු ප්‍රහාරය, ගෝල්ෆේස් ප්‍රහාරය ඇතුළු කුප්‍රකට සිදුවීම් ගණනාවකට ඔහුට චෝදනා එල්ලවී ඇති අතර මේ නිසාම කොළඹ බේරේ වැව අසළදී පසුගිය මැයි 09 වනදා අරගලකරුවන්ගේ ප්‍රහාරයකටද ලක්වුණා.
මාතර සිට හම්බන්තොට හරහා පොතුවිල් දක්වා සහ කන්කසන්තුරයේ සිට මන්නාරම හරහා පුත්තලම දක්වා මුහුදු ප්‍රදේශවල…
අධ්‍යාපන ආයතන සඳහා විදෙස් සිසුන් බඳවා ගැනීම තවදුරටත් අවම කිරීමට කැනේඩියානු රජය තීරණය කර තිබෙනවා.…
පහ ශ්‍රේණිය ශිෂ්‍යත්ව විභාග සම්බන්ධයෙන් අධ්‍යාපන අමාත්‍යාංශය විශේෂ නිවේදනයක් නිකුත් කර තිබෙනවා. එහි සඳහන් වන්නේ,…
සංචාරක නවසීලන්තය කණ්ඩායම සහ ශ්‍රී ලංකා කණ්ඩායම අතර ගාල්ල ජාත්‍යන්තර ක්‍රිකට් ක්‍රීඩාංගණයේ දී පැවැත්වෙන පළමු…
පොළොන්නරුව බකමූණ ප්‍රදේශයේ ප්‍රධාන පෞද්ගලික ඇඟලුම් කර්මාන්තයක ආහාර විෂ වීමකින් අසාධ්‍ය වූ එහි සේවක සේවිකාවන්…
හිටපු සෞඛ්‍ය අමාත්‍යය කෙහෙළිය රඹුක්වැල්ලගේ පුත් රමිත් රඹුක්වැල්ලට අයත් සුඛෝපභෝගී නිවාස දෙකක් පරිහරණය කිරීම තහනම්…