කොළඹ විශ්වවිද්‍යාලය ඉදිරිපිටදී ඊයේ (07) පොලිසිය එල්ල කළ කඳුළු ගෑස් ප්‍රහාරවලින් පසු, ඊට නිරාවරණය වූ විශ්වවිද්‍යාලයේ සේවය කරමින් සිටි ආරක්ෂක නිලධාරියෙක් මියගොස් තිබේ.
හදිසියේ ඇති වූ හර්දයාබාධ තත්ත්වයක් මරණයට හේතු වී ඇතැයි වාර්තා වේ.
මේ ආකාරයට පොලිසිය විසින් විරෝධතාකරුවන්ට එල්ල කළ කඳුළු ගෑස් ප්‍රහාරවලින් පසු, ඊට සෘජු ව නිරාවරණය වූ කිහිපදෙනෙකු හර්දයාබාධ හේතුවෙන් මරණයට පත්වී තිබිණි.
පසුගිය 26දා ජාතික ජන බලවේගය සංවිධානය කළ විරෝධතාවයේදී ද එසේ අයෙක් මිය ගියේය.
මේ අතර, කොළඹ විශ්ව විද්‍යාල මහා ශිෂ්‍ය සංගමය විසින් සංවිධානය කළ විරෝධතා පා ගමනකට පොලිසිය කොළඹ රීඩ් මාවතේ දී මීට සුළු මොහොතකට පෙර පොලිසිය ජල හා කදුළු ගෑස් ප්‍රහාර එල්ල කළහ.
අන්තර් විශ්ව විද්‍යාල ශිෂ්‍ය බලමණ්ඩලය විසින් ඊයේ (7) සංවිධානය කළ විරෝධතාවකට කොළඹ විශ්ව විද්‍යාලය අසලදී පොලිසිය ජල හා කදුළු ගෑස් ප්‍රහාර එල්ල කර විසුරුවා හැරීමට එරෙහිව මෙම විරෝධතා පා ගමන කොළඹ විශ්ව විද්‍යාල අසලින් ආරම්භ කර තිබුණ.