පාස්කු ඉරුදින ත්රස්ත ප්රහාර සිද්ධිය සම්බන්ධයෙන් තමන්ට එරෙහිව කොළඹ කොටුව මහෙස්ත්රාත් අධිකරණය හමුවේ ගොනුකර තිබෙන පෞද්ගලික පැමිණිල්ලට එරෙහිව හිටපු ජනාධිපති මෛත්රිපාල සිරිසේන මහතා විසින් ගොනුකර තිබෙන රිට් පෙත්සම පූර්ණ විනිසුරු මඩුල්ලක් ඉදිරියේ විභාගයට ගැනීමට අවසර දෙන්නේ ද? නැද්ද? යන්න තීරණය ලබන 14 වනදා ප්රකාශයට පත්කරන බව අභියාචනාධිකරණය නියෝග කළේය.
අභියාචනාධිකරණයේ සභාපති නිශ්ශංක බන්දුල කරුණාරත්න සහ ඒ. මරික්කාර් යන මහත්වරුන්ගෙන් සමන්විත අභියාචනාධිකරණ විනිසුරු මඩුල්ල විසින් එම නියෝගය ලබා දුන්නේය.
මෛත්රිපාල සිරිසේන මහතා විසින් ඉදිරිපත් කර තිබෙන පෙත්සමේ වගඋත්තරකරුවන් වශයෙන් නම් කර සිටින සිරිල් ගාමිණි පියතුමා ඇතුළු දෙදෙනෙකු වෙනුවෙන් පෙනී සිටි ජනාධිපති නීතිඥ රියන්සි අර්සකුලරත්න මහතා අධිකරණ හමුවේ මීට පෙර කරුණු දක්වමින් එම නඩුකරය පූර්ණ අභියාචනාධිකරණ විනිසුරු මඩුල්ලක් හමුවේ විභාගයට ගැනීම යෝග්ය බව දන්වා සිටියේය.
එම ඉල්ලීම සම්බන්ධයෙන් වූ අභියාචනාධිකරණය නියෝගය ලබන 14 වනදා ප්රකාශයට පත්කරන බවත් විනිසුරු මඩුල්ල නියෝග කළේය.
පාස්කු ඉරුදින ත්රස්ත ප්රහාරයක් එල්ල වන බවට බුද්ධි තොරතුරු ලැබී තිබියදීත් එය වැළැක්වීමට කටයුතු නොකිරීම තුළින් සාපරාධි ලෙස රාජකාරිය පැහැරහැරීම ඇතුළු චෝදනා සම්බන්ධයෙන් මෛත්රීපාල සිරිසේන මහතාට එරෙහිව සිරිල් ගාමිණී පියතුමා ඇතුළු දෙදෙනෙකු විසින් කොළඹ කොටුව මහෙස්ත්රාත් අධිකරණය හමුවේ පෞද්ගලික පැමිණිල්ලක් ඉදිරිපත් කර තිබුණි.
එම පැමිණිල්ල සලකා බැලූ කොළඹ කොටුව මහෙස්ත්රාත්වරයා මේ සම්බන්ධයෙන් කරුණු දැක්වීම සඳහා අධිකරණයේ පෙනී සිටින්නැයි දන්වා මෛත්රීපාල සිරිසේන මහතාට සිතාසි නිකුත් කළේය.
කොටුව මහෙස්ත්රාත්වරයා විසින් අදාළ සිතාසි නිකුත් කළ ආකාරය නීතියට පටහැනි බවත් එබැවින් එය බලරහිත කිරීමේ රිට් ආඥාවක් නිකුත් කරන ලෙසත් ඉල්ලමින් මෛත්රීපාල සිරිසේන මහතා විසින් එම පෙත්සම අභියාචනාධිකරණය හමුවේ ගොනුකර තිබේ.
යාපනයේ පෙරියවිලාන් ප්රදේශයේ 13 හැවිරිදි පාසල් සිසුවෙකු සිය නිවසේදී ගෙල වැළලාගෙන මියගොස් තිබෙනවා. මේ දරුවා…
ඊයේ (16) පැවති පහ ශ්රේණිය ශිෂ්යත්ව විභාගයේ ප්රශ්න පත්රය වට්ස්ඇප් මාධ්ය ඔස්සේ හුවමාරු වී ඇති…
2024 ජනාධිපතිවරණය විශේෂ රාජකාරී සහ ආරක්ෂාව වෙනුවෙන් පොලිස් නිලධාරීන් 60,000ක් යෙදවීමට තීරණය කර ඇති බව…
හැටන්, නුවරඑළිය මාර්ගයේ නානුඔය වින්ඩිකොනර් ප්රදේශයේදී සිදු වූ රිය අනතුරකින් පුද්ගලයෙකු තුවාල ලබා මේ වනවිට…
කඩවත නගරයේ හෝටලයක ෆේස්බුක් සාදයකට එක්ව මත්ද්රව්ය භාවිත කරමින් සිටි තරුණයින් 14දෙනෙකු අත්අඩංගුවට ගෙන තිබෙනවා.…
වලංගු රියැදුරු බලපත්රයක් නොමැතිව කාර් රථයක් පැදවීමේ සිද්ධියක් සම්බන්ධයෙන් මීරිගම ප්රදේශයේ විහාරස්ථානයක වැඩවාසය කරනු ලබන…