යාපනය පාසලක නිවාසාන්තර ක්‍රීඩා උළෙලේදී ආදි ශිෂ්‍යාවන් සදහා වූ මීටර් 100 දිවීමේ තරගයෙන් වයසක කාන්තාවක් ප්‍රථම ස්ථානය හිමි කර ගැනීමට සමත් වූ පුවතක් වාර්තා වෙනවා.
අවුරුදු 80ක් වයසැති මුත්තනී පුනිතාවතී නම් මෙම කාන්තාව සමග අවුරුදු හතළිස් පහට අඩු ක්‍රීඩිකාවන් 6ක්ද, පනස් පහට අඩු ක්‍රීඩිකාවන් හතර දෙනෙකුද ධාවන තරගයට සහභාගී වූවත් අවසාන මොහොතේදී 80 හැවිරිදි මිත්තණිය සිය උපරිම ජවය විදහා දක්වමින් පළමු ස්ථානයට පත්ව තිබුනා.
එස්.මුත්තනී පුනිතාවතී යාපනය වික්ටෝරියා විද්‍යාලයේ ආදි ශිෂ්‍යාවක් වන අතර, රජයේ ලිපිකාරිනියක ලෙස සේවය කර විශ්‍රාම ලැබූ අයෙකු බවයි වාර්තා වෙන්නේ.
මෙම ජයග්‍රහණය සඳහා ත්‍යාග පිරිනැමූ අවස්ථාවේදී සැලසුම් කොට තිබූ ත්‍යාගයට අමතරව තවත් ත්‍යාග කිහිපයක් විදුහලේ සංවිධායක මණ්ඩලය විසින් ඇයට පිරිනමා තිබු බවයි වාර්තා වෙන්නේ.