ශ්‍රී ලංකා නිදහස් පක්ෂය විසින් එම පක්ෂය සඳහා වැඩබලන මහ ලේකම්වරයෙකු පත්කර තිබේ.
මෙලෙස වැඩබලන මහ ලේකම් ධුරය සඳහා පත්කර ඇත්තේ එම පක්ෂයේ නියෝජ්‍ය මහ ලේකම් සරත් ඒකනායක මහතාය.
ඒ මහතා මධ්‍යම පළාත් හිටපු මහ ඇමතිවරයෙක්ද වෙයි.
ශ්‍රී ලංකා නිදහස් පක්ෂයේ සභාපති මෛත්‍රීපාල සිරිසේන මහතා විසින් සරත් ඒකනායක මහතා එම පක්ෂයේ වැඩබලන මහ ලේකම් ධුරය සඳහා මෙලෙස පත්කර ඇත.
ශ්‍රී ලංකා නිදහස් පක්ෂය සදහන් කළේ නිදහස් පක්ෂයේ මහලේකම් ලෙස කටයුතු කළ පාර්ලිමේන්තු මන්ත්‍රී දයාසිරි ජයසේකර මහතා විදේශගතවීම හේතුවෙන් එම පත්කිරීම සිදුකර ඇති බවය.