බන්ධනාගාර මාධ්‍ය ප්‍රකාශක අතිරේක බන්ධනාගාර කොමසාරිස් ජෙනරාල් චන්දන ඒකනායක පදිංචි වී සිටින බන්ධනාගාර පරිශ්‍රයේ පිහිටි නිල නිවාසය පෙරේදා (02) හොරු බිඳ ඇතැයි බොරැල්ල පොලිිසිය සඳහන් කළේය.
මේ දිවනවල චන්දන ඒකනායක දිවයිනෙන් බැහැර සිටින බැවින් සොරකම සම්බන්බන්ධව පොලිසියට පැමිණිල්ලක් කර ඇත්තේ චන්දන ඒකනායකගේ බිරිය විසිනි
මූල්‍ය ආයතනයක කළමණාකාරිනියකවන ඇය පොලිසියට පවසා ඇත්තේ උදෑසන රැකියාවට ගොස් සවස නිවසට පැමිණ බැලීමේ දී අල්මාරියේ තිබූ රන් භාණ්ඩ අතුරුදහන් වී ඇති ආකාරය දුටු බවය.
රුපියල් පන්ලක්ෂ පනස් දහසකට ආසන්න වටිනාකමකින් යුතු රන් භාන්ඩ මෙසේ සොරකම් කර ඇතැයි ඇය පොලිසියට පවසා ඇත.
මේ දිනයේ නිවස පිහිටි ප්‍රදේශයේ බන්ධනාගාර රැඳවියන් විසින් පවිත්‍රතා කටයුතුවල නිරතව සිට ඇති බැවින් ඒ සම්බන්ධයෙන් විශේෂ අවධානය යොමු කරමින් විමර්ශන පවත්වන බව බොරැල්ල පොලිිසය කියයි.