පාස්කු ප්‍රහාරයෙන් වින්දිතයින් බවට පත්වූ පුද්ගලයින් සඳහා වන්දි අයකර දෙන ලෙස ඉල්ලා තමාට එරෙහිව කොළඹ දිසා අධිකරණය හමුවේ ගොනුකර තිබෙන නඩු සියල්ල ප්‍රතික්ෂේප කර තමන් නඩුවලින් නිදහස් කරන නියෝගයක් නිකුත් කරන්නැයි ඉල්ලා මෛත්‍රීපල සිරිසේන මහතා බස්නාහිර පළාත් සිවිල් අබියාචනා මහාධිකරණයේ ගෙලානු කර තිබූ පෙත්සම ගාස්තුවට යටත්ව නිෂ්ප්‍රභ කිරීමට අධිකරණය අද තීෘන්දු කළේය.
හිටපු ජනාධිපති මෛත්‍රීපල සිරිසේන මහතා විසින් ඉදිරිපත් කළ අභියාචනා පෙත්සම ඒ අනුව රුපියල් 21,000 ක ගාස්තුවකට යටත්ව නිෂ්ප්‍රභා කිරීමට බස්නාහිර පළාත් සිවිල් අභියාචනා මහාධිකරණය විසින් නියෝග කරන ලදී.
මෙම නියෝගය නිකුත් කරන ලද්දේ අදාළ පෙත්සම විභාගයට ගත් සංජීව මොරායස් සහ ෆ්‍රෑන්ක් ගුණවර්ධන යනද්වි පුද්ගල විනිසුරු මඩුල්ල විසිනි. අන්තවාදීන්ගෙන් ප්‍රහාරයක් එල් වන බවට ප්‍රමාණවත් බුද්ධි තොරතුරු ලැබී තිබියදීත් පාස්කු ඉරුදින ත්‍රස්ත ප්‍රහාරය වළක්වා ගැනීමට කටයුතු නොකිරීම සම්බන්ධයෙන් හිටපු ජනපති මෛත්‍රීපාල සිරිසේන ඇතුළු පිරිසකට එරෙහිව වින්දිතයින් විසින් නඩු 108ක් කොළඹ දිසා අධිකරණය හමුවේ ගොනුකර තිබේ.