සමගි ජන බලවේගය නියෝජනය කරමින් ආණ්ඩුවට එක්වීමට නියමිතව තිබෙන පාර්ලිමේන්තු මන්ත්‍රීවරු එලෙස එක්වන තෙක් කැබිනට් සංශෝධනයක් සිදු නොකිරීමට ජනාධිපතිවරයා තීරණය කර ඇතැයි ඉතා විශ්වාස කටයුතු ආරංචි මාර්ග සඳහන් කරයි.
සමගි ජන බලවේගයේ මන්ත්‍රී කණ්ඩායම පසුගිය 28 දා කැබිනට් සංශෝධනය කිරීමට නියමිතව තිබිණි. නමුත් එම කණ්ඩායමේ ආණ්ඩුවට පැමිණීමේ කටයුතු රටේ පවතින තත්ත්වයත් සමග වැලකී ගොස් තිබිණි.
මෙම ආසයි බයයි කණ්ඩායම ආණ්ඩුවට එක් කරගැනීම සඳහා එජාප සභාපති වජිර අබේවර්ධන ප්‍රමුඛ කණ්ඩායමක් දිගටම සාකච්ඡා හා වෙනත් ප්‍රතිලාභ සම්බන්ධව කේවල් කිරීම් සහිත සාකච්ඡා වටයක නිරත වී ඇත.
එය සාර්ථකවනු ඇතැයි විශ්වාස කරන ආණ්ඩුව මෙම කණ්ඩාම පැමිණි වහාම කැබිනට් සංශෝධනයක් සිදුකිරීමට සැලසුම් කර ඇති බවත්, ඒ කැබිනට්ටුව ජොන්සටන් ප්‍රනාන්දු, රෝහිත අබේවර්ධන ඇතුළු පොහොට්ටුවේ ප්‍රබලයින් පිරිසක් ද එක්වනු ඇති බවත් ආණ්ඩුවේ අභ්‍යන්තර ආරංචි මාර්ග පවසයි.