නවසීලන්තයට එරෙහිව සටන් කරන්න යන ශ්‍රී ලංකා එක්දින හා 20යි 20 සංචිතය මෙන්න !

එළඹෙන නවසීලන්ත තරග සංචාරයේ සීමිත පන්දුවාර තරගාවලි සදහා නම් කර ඇති බව කියන ශ්‍රී ලංකා සංචිතය සන්ඩේ ටයිම්ස් පුවත්පත විසින් වාර්තා කර තිබෙනවා.

පිට කොන්දේ ආබාධයක් හේතුවෙන් නවසීලන්තයට එරෙහි ටෙස්ට් තරගාවලිය සදහා නම් නොකළ ආරම්භක පිතිකරු පැතුම් නිස්සංක සීමිත පන්දුවාර තරග සදහා නම් කිරීමටයි තේරීම් කමිටුව පියවර ගෙන ඇත්තේ.

උරහිසෙහි ආබාධයකට ලක්වීමෙන් පසුව ශල්‍යකර්මයකට ලක් වී දීර්ඝ කාලයක් ක්‍රිකට් පිටියෙන් ඉවත්ව සිටීමට සිදු වූ කුසල් ජනිත් පෙරේරා ද 20යි 20 තරගාවලිය සදහා පමණක් නම් කර ඇති බව සදහන්.

ඊට අමතර ලසිත් කෘෘස්පුල්ලේ හා මතීෂ පතිරණ ද 20යි 20 තරගාවලිය සදහා පමණක් නම් කිරීමටයි පියවර ගෙන ඇත්තේ.

ජ්‍යෙෂ්ඨ පිතිකරු ඇන්ජෙලේ මැතිව්ස් ද යළි එක්දින සංචිතයට කැදවා තිබීම විශේෂත්වයක්.

මැතිව්ස් සමග එක්දින තරගාවලිය සදහා පමණක් නම් කර ඇති සෙසු ක්‍රීඩකයින් වන්නේ සහන් ආරච්චිගේ හා ප්‍රමෝද් මදුෂාන්.

ආබාධයක් හේතුවෙන් ශල්‍යකර්මයකට මුහුණ දුන් වේග පන්දු යවන ක්‍රීඩක දුෂ්මන්ත චමීර එක්දින හා 20යි 20 යන තරගාවලි දෙක සදහාම නම් කර තිබෙනවා.

තරග සංචාරය ආරම්භ කරමින් ශ්‍රී ලංකා කණ්ඩායම හෙට(27) දිවයිනෙන් පිටත්ව යාමට නියමිත අතර, මාර්තු 4 හා 5 වැනිදා ඔවුන් දෙදින පුහුණු තරගයකට ක්‍රයිස්චර්ච් හී දී එක් වීමට නියමිතයි. මාර්තු 9 වැනිදා තරග 2කින් යුත් ටෙස්ට් තරගාවලිය ආරම්භ වනවා.

මාර්තු 25 වැනිදා තරග 3කින් යුත් එක්දින තරගාවලිය ආරම්භ වන අතර, අනතුරුව තරග 3කින් යුත් 20යි 20 තරගාවලිය ආරම්භ වන්නේ අප්‍රේල් දෙවැනිදායි.

නම් කර ඇති බව කියන ශ්‍රී ලංකා සීමිත පන්දුවාර සංචිතය –

Pathum Nissanka (ODI and T20)
Kusal Mendis (ODI and T20)
Dhananjaya de Silva (ODI and T20)
Charith Asalanka (ODI and T20)
Dasun Shanaka (ODI and T20)
Angelo Mathews (ODI)
Sahan Arachchige (ODI)
Nuwanidu Fernando (ODI and T20)
Sadeera Samarawickrema (ODI and T20)
Wanindu Hasaranga (ODI and T20)
Dunith Wellalage (ODI and T20I)
Maheesh Theekshana (ODI and T20)
Kasun Rajitha (ODI and T20)
Lahiru Kumara (ODI and T20)
Pramod Madushan (ODI)
Dilshan Madushanka (ODI and T20)
Chamika Karunaratne (ODI and T20)
Dushmantha Chameera (ODI and T20)
Kusal Janith (T20)
Lasith Croospulle (T20)
Matheesha Pathirana (T20)