තරග 02කින් සමන්විත ශ්‍රී ලංකා – නවසීලන්ත ටෙස්ට් තරගාවලියට සහභාගී වන ශ්‍රී ලංකා කණ්ඩායම නම් කර තිබෙනවා.
ශ්‍රී ලංකා ක්‍රිකට් ආයතනය විසින් මෙම වසරේ මාර්තු මස පැවැත්වීමට සූදානම් කර තිබෙන දෙරට අතර ටෙස්ට් තරගාවලිය සඳහා එක්වන ක්‍රීඩකයින්ගේ සංචිතයට ක්‍රීඩා අමාත්‍ය රොෂාන් රණසිංහගේ අනුමැතිය හිමිව ඇති බවයි වාර්තා වන්නේ.
ඒ අනුව ශ්‍රී ලංකා ටෙස්ට් කණ්ඩායම මෙහෙයවීමේ වගකීම ටෙස්ට් නායක දිමුත් කරුණාරත්නට හිමිව තිබෙනවා.
17 දෙනෙකුගෙන් සමන්විත ශ්‍රී ලංකා ටෙස්ට් සංචිතයට නවක ක්‍රීඩකයින් දෙදෙනකු ද කැඳවා තිබෙනවා.
ඒ නිශාන් මධුෂ්ක සහ මිලාන් රත්නායකයි.
මීට අමතර ව අත්දැකීම් සහිත ක්‍රීඩකයින් ගොන්නට පිතිකරණය ලැයිස්තුවෙන් කුසල් මෙන්ඩිස්, ඇන්ජලෝ මැතිව්ස්, නිරෝෂන් දික්වැල්ල, ධනංජය ද සිල්වා,දිනේෂ් චන්දිමාල් ඇතුළත් වනවා.
කෙසේවෙතත් මෙම තරගාවලියට ම ශ්‍රී ලංකා කණ්ඩායමේ ආරම්භක පිතිකරු ලෙස කටයුතු කරන පැතුම් නිස්සංක ඇතුළත් කර නැහැ.
තරගාවලියට සහභාගී වීම සඳහා ශ්‍රී ලංකා ක්‍රිකට් කණ්ඩායම 27 වැනි දින නවසීලන්තය බලා පිටත්ව යාමට නියමිතයි.
