හබරාදුව ප්‍රාදේශිය සභාවේ අද (21) පැවති මාසික රැස්විම අතරතුර දී ශ්‍රි ලංකා පොදුජන පෙරමුණේ මන්ත්‍රි චමිල ප්‍රියංග විසින් ඔහුගේ මේසය මත සවිකොට තිබු මයිකපෝනය ගලවාගෙන ගොස් ජනතා විමුක්ති පෙරමුණේ මන්ත්‍රි තක්ෂිත රවිෂාන් ගමගේට පහරදිමෙන් ඔහු තුවාල ලබා ගාල්ල කරාපිටිය ශික්ෂණ රෝහලට ඇතුළත්කොට ඇත.
පහරදුන් බව කියන ශ්‍රිලංකා පොදුජනපෙරමුණේ මන්ත්‍රි චමිල ප්‍රියංගද අහංගම ගෙන්නගහහේන රෝහලට ඇතුළත්ව ඇත.
හබරාදුව ප්‍රාදේශිය සභාවේ මාසික රැස්වීම වැඩබලන සභාපති බන්දුපාල අබේකොන්ගේ ප්‍රධානත්වයෙන් පැවති අතර මෙවර පළාත් පාලන මැතිවරණය සඳහා ජාතික ජන බලවේගයෙන් ඉදිරිපත් කොට ඇති අපේක්ෂකයකු සම්බන්ධයෙන් ඇති වු මතගැටුමක් දුර දිග යාමෙන් මෙම පහරදිම වි ඇත.
පහරකැමට ලක්වු මන්ත්‍රිවරයාගේ හිසට හා කණට තුවාල වි ඇති අතර ඔහු ගාල්ල කරාපිටිය ශික්ෂණ රෝහලේ 58 වාට්ටුවට ඇතුළත්කොට ඇත. පහරකෑමට ලක්වු මන්ත්‍රිවරයා රෝහලට රැගෙනවිත් ඇත්තේ හබරාදුව ප්‍රාදේශිය සභාවේ විපක්ෂනායක ලයනල් ඉප්පලවත්ත ය. ඔහු මේ සම්බන්ධයෙන් අදහස් දක්වමින් මෙසේ කිවේය.
“ චමිල මන්ත්‍රි සහ හර්ෂ මන්ත්‍රිවරයා අතර සභාවේ වාදයක් පැවතුනා. චමිල මන්ත්‍රිවරයාට මේක ඉවසන්න බැරිව එහා පැත්තට පැනලා මයික් එකේ ගාඩ් එකෙන් පහරදුන්නා. හර්ෂ මන්ත්‍රිවරයාගේ කණෙන් ලේ ආවා. මගේ වාහනයෙන් හර්ෂ මන්ත්‍රිවරයා කරාපිටිය රෝහලට රැගෙන ආවා
මෙම පහරදිම දැඩිලෙස හෙලා දකින බවත් පරාජයෙන් වියරුවැටි සිටින පොහෝට්ටුවේ මන්ත්‍රිවරු මෙවැනි දේ සිදුකරණ බවත් ජ.වි.පේ හිටපු පළාත් සභා මන්ත්‍රි රත්න ගමගේ සඳහන් කළේය.
විවෘත රාජ්‍ය හවුල්කාරිත්වය (OGP) සඳහා ශ්‍රී ලංකාවේ කැපවීම නැවත සාකච්ඡා කිරීමට සහ OGP වැඩසටහන නැවත…
උසස් පෙළ විභාගය පැවැත්වෙන කාල සීමාව තුළ ආපදා තත්ත්වයන් හේතුවෙන් ඇතිවිය හැකි බාධා මගහරවා ගනිමින්…
අධිකරණ නියෝගයකට අනුව වේයන්ගොඩ, වඳුරව ප්‍රදේශයේ වගුරු සහිත භූමියක ඇති බව කියන නිධානය සොයා පුරා…
ශ්‍රී ලංකාවට ලබා දී ඇති විස්තීරණ ණය අරමුදල් පහසුකම (EFF) යටතේ තුන්වන සමාලෝචනය අවසන් කිරීම…
මේ දිනවල ජනතාව අතර වෛරස් උණ රෝගයක් ව්‍යාප්ත වෙමින් ඇති බව සෞඛ්‍ය අංශ අනාවරණය කරනවා.…
විදෙස්ගත ශ්‍රමිකයින්ට මෙරටට විද්‍යුත් වාහන ගෙන්වීමට ලබා දී තිබූ බලපත්‍ර 1000කට අධික සංඛ්‍යාවක් අවභාවිත කර…