පවතින ආර්ථික දුෂ්කරතා යටතේ පළාත් පාලන ආයතන ඡන්ද විමසීම පැවැත්වීම සඳහා මුදල් ලබා දීම අසීරු බව මුදල් අමාත්‍යාංශ ලේකම්වරයා මැතිවරණ කොමිෂන් සභාවට දැනුම් දී තිබේ.
මැතිවරණ කොමිෂන් සභාවේ සභාපති නීතිඥ නිමල් පුංචිහේවා මේ බව ප්‍රකාශ කර තිබේ.
මුදල් අමාත්‍යාංශ ලේකම්වරයා ඇතුළු නිලධාරීන් අද (පෙබ. 17) මැතිවරණ කොමිෂන් සභාව හමුවට කැඳවා සිදු කළ සාකච්ඡාවේදී ඒ බව දැනුම් දී ඇති අතර සභාපතිවරයා සඳහන් කළේ, එහිදී මුදල් ලබා දිය හැකි කාල සීමාවක් පිළිබඳව තමන් අදාළ නිලධාරීන්ගෙන් විමසීමක් කළ බව ය.
ඒ සම්බන්ධයෙන් සාකච්ඡා සකළ යුතු බව එහිදී එම නිලධාරීන් සඳහන් කර ඇත.
පසුගිය දා නිකුත් කෙරුණු චක්‍රලේඛය අනුව, අත්‍යවශ්‍ය සේවා සඳහා පමණක් මුදල් වෙන් කළ යුතු බවට ත් මැතිවරණ කටයුතු එම චක්‍රලේඛය යටතේ අත්‍යවශ්‍ය සේවාවක් ලෙස නම් කර නොමැති බවට ත් මුදල් අමාත්‍යාංශ නිලධාරීන් එහිදි පෙන්වා දුන් බව සභාපතිවාරයා පැවසීය.
ඔහු සඳහන් කළේ, අත්‍යවශ්‍ය සේවා ගණයට අයත් නොවන ආයතන වෙත මුදල් නිකුත් කිරීමට නම් මුදල් අමාත්‍යවරයා ලෙස ජනාධිපති රනිල් වික්‍රමසිංහගේ අනුමැතිය ලබාගත යුතු බව මුදල් අමාත්‍යාංශ නිලධාරීන් වැඩිදුරට ත් පෙන්වා දුන් බව ය.
මුදල් ප්‍රතිපාදන ලබා නොදීම වැනි සිදුවීම්වලින් අදහස් වන්නේ පළාත් පාලන ඡන්ද විමසීම නියමිත දිනට පැවැත්විය නොහැකි බව ද ඔහු පැවසීය.
“මුදල් ප්‍රතිපාදන දෙන්නේ නෑ කියන්නේ, ඡන්දේ තියන්න බෑ කියන එක තමයි”
ඒ සම්බන්ධයෙන් ගත හැකි නීතිමය පියවර කවරේ ද යන්න සම්බන්ධයෙන් විමසූ විට ඔහු සඳහන් කළේ, මැතිවරණ කොමිෂන් සභාවට කළ හැක්කේ, රිට් පෙත්සමක් ගොනු කිරීම බව ය.
කෙසේ වෙතත්, ඉදිරියේදී පැවැත්වෙන නඩු විභාගයට අනතුරුව ඒ බව තීරණය කරන බව ඔහු වැඩිදුරට ත් පැවසීය.
මාතර සිට හම්බන්තොට හරහා පොතුවිල් දක්වා සහ කන්කසන්තුරයේ සිට මන්නාරම හරහා පුත්තලම දක්වා මුහුදු ප්‍රදේශවල…
අධ්‍යාපන ආයතන සඳහා විදෙස් සිසුන් බඳවා ගැනීම තවදුරටත් අවම කිරීමට කැනේඩියානු රජය තීරණය කර තිබෙනවා.…
පහ ශ්‍රේණිය ශිෂ්‍යත්ව විභාග සම්බන්ධයෙන් අධ්‍යාපන අමාත්‍යාංශය විශේෂ නිවේදනයක් නිකුත් කර තිබෙනවා. එහි සඳහන් වන්නේ,…
සංචාරක නවසීලන්තය කණ්ඩායම සහ ශ්‍රී ලංකා කණ්ඩායම අතර ගාල්ල ජාත්‍යන්තර ක්‍රිකට් ක්‍රීඩාංගණයේ දී පැවැත්වෙන පළමු…
පොළොන්නරුව බකමූණ ප්‍රදේශයේ ප්‍රධාන පෞද්ගලික ඇඟලුම් කර්මාන්තයක ආහාර විෂ වීමකින් අසාධ්‍ය වූ එහි සේවක සේවිකාවන්…
හිටපු සෞඛ්‍ය අමාත්‍යය කෙහෙළිය රඹුක්වැල්ලගේ පුත් රමිත් රඹුක්වැල්ලට අයත් සුඛෝපභෝගී නිවාස දෙකක් පරිහරණය කිරීම තහනම්…