විදුලිබිල සියයට 63න් වැඩිකිරීම හේතුවෙන් කොත්තු , ෆයිඩ්රයිස් සහ බත්පැකට්වල මිල සියයට 10න් ඉහළ නැංවීම අද මධ්‍යම රාත්‍රියේ සිට ක්‍රියාත්මක බව ආපනශාලාහිමියන්ගේ සංගමය සඳහන් කරයි.
කෙසේ නමුත් ප්ලේන්ටිය, සහ ආප්පවල මිල තවදුරටත් ඉහළ නොදමන බවද සංගමයේ සභාපති අසේල සම්පත් සදහන් කරයි.
විදුලි බිල සියයට 63කින් ඉහළ දැමීමට රජය කටයුතු කිරිම හේතුවෙන් දේශීය සියලුම නිෂ්පාදන භාණ්ඩවල මිල සියයට 20කින් ඉහළ නැංවීමට සිදුවන බව සමස්තලංකා කුඩාකර්මාන්තරුවන්ගේ ජාතික සංවිධායක නිරුක්ෂ කුමාර සඳහන් කරයි.
මීට පෙර විදුලි බිල ඉහළ දැමූ අවස්ථාවේදී හෝ දේශීය නිෂ්පාදනයන්ගේ මිල පාරිභෝගිකයින් ගැන සිතා ඉහළ නොදැමු නමුත් මෙවරය එසේ කිරීමේ හැකියාවක් නොමැති බව ජාතික සංවිධායකවරයා කියයි.
විදුලිබිල අධික ලෙස වැඩිකිරිමට ගත් තින්දුවත් සමග බේකරි කර්මාන්තයට ද දැඩි බලපෑමක් එල්ලවි ඇති බැවින් අකමැත්තනේ හෝ බේකරි කෑම වර්ගවල මිල ඉහළ දැමිමට සිදුවන බව දකුණු පළාත් කුඩා හා මධ්‍ය පරිමාන බේකරිහිමියන්ගේ සංගමයේ සභාපති කමල් පෙරේරා අද (16) නිවේදනය කර තිබිණි.
අද (16) පෙරවරුවේ ගාල්ලේ පැවති මාධ්‍ය හමුවකදි හෙතෙම මේ බව සඳහන් කරමින් ඔහු කීවේ විදුලිබිල අධික ලෙස ඉහල දැමිම නිසා බේකරි කෑම නිෂ්පාදනය කිරිමේ සිට අලෙවිකරණ තෙක් මෙම කර්මාන්තයට දැඩි බලපැමක් එල්ලවන බවය.