බොරැල්ල, වනාතමුල්ල හල්ගහවත්ත ප්‍රදේශයේ මහල් නිවාස සංකීර්ණයක ආරක්ෂක අංශ ඊයේ (13) රාත්‍රීයේ සිදුකළ මත්ද්‍රව්‍ය වැටලීමක් අතරතුර සිදුවූ වෙඩිවැදීමකින් කාන්තාවක් මියයෑමේ සිද්ධිය සම්බන්ධ සම්පූර්ණ CCTV වීඩියෝව මාධ්‍යට නිකුත්කර තිබේ.
යුධ හමුදා බුද්ධි අංශ නිලධාරීන්ට ලද බුද්ධි තොරතුරක් මත මෙම වැටලීම සිදුකර ඇති අතර එහිදී ඇති වූ පොරබැදීමකදී හමුදා බුද්ධි අංශ සාමාජිකයෙකුගේ ගිනිඅවියක් එක්වර ක්‍රියාත්මකවීමෙන් මෙම වෙඩිවැදීම සිදුව තිබුණි.
බොරැල්ල, පොලිස් වසමේ බේස්ලයින් මාවත හල්ගහකුඹුර ප්‍රදේශයේ මහල් නිවාස සංකීර්ණයේ සිදුවන මත්ද්‍රව්‍ය ජාවාරමක් සම්බන්ධයෙන් ලද බුද්ධි තොරතුරක් මත යුධ හමුදා බුද්ධි අංශ නිලධාරීන් ඊයේ පස්වරුවේ මෙහෙයුමක් දියත් කළේය.
පොලිසිය සඳහන් කළේ එම ස්ථානයේදී සැකකරුවෙකුව අත්අඩංගුවට ගත් බවත් එහිදී සිදුවූ පොරබැදීමක් අතරතුර යුධ හමුදා බුද්ධි අංශ සාමාජිකයෙකුගේ ගිනි අවියක් එකවරම ක්‍රියාත්මක වී ඇති බවය.
එම යුද හමුදා බුද්ධි අංශ සාමාජිකයා සිය ගිනි අවිය සාක්කුවෙන් පිටතට ගෙන සැකකරු සමග පොරබදන අතරතුර ගිනි අවිය ක්‍රියාත්මක වන ආකාරය අසල තිබු CCTV කැමරාවක සටහන්ව තිබුණි.
එලෙස ගිනි අවිය ක්‍රියාත්මක වීමත් සමඟ ඒ අසල සිටි කාන්තාවකට වෙඩිවැදී බිම ඇද වැටුණි.
වෙඩි වැදුණු කාන්තාව රෝහල් ගතකිරීමෙන් අනතුරුව මියගොස් ඇති බව වාර්තා විය. මෙලෙස මිය ගියේ බොරැල්ල, හල්ගහකුඹුර ප්‍රදේශයේ පදිංචි 25 හැවිරිදි දෙදරු මවකි.
අදාළ සිදුවීම සම්බන්ධයෙන් යුද හමුදා බුද්ධි අංශ සාමාජිකයන් දෙදෙනෙකු බොරැල්ල පොලිසිය මගින් අත්අඩංගුවට ගෙන ඇති බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතීඥ නිහාල් තල්දූව මහතා සඳහන් කළේය.
මාතර සිට හම්බන්තොට හරහා පොතුවිල් දක්වා සහ කන්කසන්තුරයේ සිට මන්නාරම හරහා පුත්තලම දක්වා මුහුදු ප්‍රදේශවල…
අධ්‍යාපන ආයතන සඳහා විදෙස් සිසුන් බඳවා ගැනීම තවදුරටත් අවම කිරීමට කැනේඩියානු රජය තීරණය කර තිබෙනවා.…
පහ ශ්‍රේණිය ශිෂ්‍යත්ව විභාග සම්බන්ධයෙන් අධ්‍යාපන අමාත්‍යාංශය විශේෂ නිවේදනයක් නිකුත් කර තිබෙනවා. එහි සඳහන් වන්නේ,…
සංචාරක නවසීලන්තය කණ්ඩායම සහ ශ්‍රී ලංකා කණ්ඩායම අතර ගාල්ල ජාත්‍යන්තර ක්‍රිකට් ක්‍රීඩාංගණයේ දී පැවැත්වෙන පළමු…
පොළොන්නරුව බකමූණ ප්‍රදේශයේ ප්‍රධාන පෞද්ගලික ඇඟලුම් කර්මාන්තයක ආහාර විෂ වීමකින් අසාධ්‍ය වූ එහි සේවක සේවිකාවන්…
හිටපු සෞඛ්‍ය අමාත්‍යය කෙහෙළිය රඹුක්වැල්ලගේ පුත් රමිත් රඹුක්වැල්ලට අයත් සුඛෝපභෝගී නිවාස දෙකක් පරිහරණය කිරීම තහනම්…