රටේ මත්කුඩු ජාවාරමට සම්බන්ධ ප්‍රධාන ජාවාරම් කරුවන්ගේ දරුවන්, ඥාතීන් හා ඔවුන්ගේ පවුල්වල සම්බන්ධ පුද්ගලයින් සැලකිය යුතු සංඛ්‍යාවක් මෙවර පළාත් පාලන මැතිවරණයේ දී ප්‍රධාන දේශපාලන පක්ෂවලින් ඉල්ලුම් කිරීම සම්බන්ධව බුද්ධි අංශ විශේෂ පරීක්ෂණයක් ආරම්භ කර තිබේ.
මෙම ඡන්ද අපේක්ෂකයින් අතර රටින් පළාගිය ප්‍රධාන මත්කුඩු ජාවාරම්කරුවන්ගේ දරුවන් ද සිටින බව හෙළිදරව් වී ඇත.
දැනට ඩුබායි රාජ්‍යයට පලාගොස් ඇති, ගල්කිස්ස කේන්ද්‍ර කරගෙන මත්කුඩු ජාවාරමේ යෙදුන ප්‍රධාන ජාවාරම්කරුවෙක්වූ සිරාන් බාසික්ගේ පුත්‍රයෙක් මෙවර ශ්‍රී ලංකා නිදහස් පක්ෂයෙන් ගල්කිස්ස නගර සභාවට තරග කිරීමට සූදානම් වේ. ඔහු මත්කුඩු ජාවාරම සම්බන්ධ ඉපැයීම් පිළිබඳ මුදල් විශුද්ධිකරණ චෝදනා මත අපරාධ පරීක්ෂණ දෙපාර්තමේන්තුවේ අත්අඩංගුවට පත් වූ පුද්ගලයෙකි.
මේ වනවිට මෙම දේශපාලන ආගමනයන් සම්බන්ධව ලොකුම විමර්ශනය සිදුවෙමින් ඇත්තේ මැදකොළඹට එක්සත් ජාතික පක්ෂයෙන් තරග වදින දෙමටගොඩ රුවන්ගේ පුත්‍රයෙක් සම්බන්ධවය.
අමතරව ගාල්ලෙන් ඉදිරිපත් වී ඇති මත්ද්‍රව්‍ය ජාවාරම්කරුවන්ගේ ගෝලයින් සහ ඥාතීන් සම්බන්ධව ද ලැබී ඇති තොරතුරු මත පරීක්ෂණ පවත්වමින් ඇති බව විමර්ශන අංශ කියයි. දකුණේ මැතිවරණ අපේක්ෂකයින් අතර සිටිනා රත්ගම විදුර නැමැති පාතාල අපරාධකරුගේ ප්‍රධාන ගෝලයෙක් සම්බන්ධව බුද්ධි අංශවල වැඩි අවධානය යොමු වී ඇත. එක්සත් ජාතික පක්ෂයෙන් තරග වදිනා මෙම පුද්ගලය පොලිස් මත්ද්‍රව්‍ය කාර්යාංශය විසින් දෙවරක් අත්අඩංගුවට ගෙන ඇත.
විවෘත රාජ්‍ය හවුල්කාරිත්වය (OGP) සඳහා ශ්‍රී ලංකාවේ කැපවීම නැවත සාකච්ඡා කිරීමට සහ OGP වැඩසටහන නැවත…
උසස් පෙළ විභාගය පැවැත්වෙන කාල සීමාව තුළ ආපදා තත්ත්වයන් හේතුවෙන් ඇතිවිය හැකි බාධා මගහරවා ගනිමින්…
අධිකරණ නියෝගයකට අනුව වේයන්ගොඩ, වඳුරව ප්‍රදේශයේ වගුරු සහිත භූමියක ඇති බව කියන නිධානය සොයා පුරා…
ශ්‍රී ලංකාවට ලබා දී ඇති විස්තීරණ ණය අරමුදල් පහසුකම (EFF) යටතේ තුන්වන සමාලෝචනය අවසන් කිරීම…
මේ දිනවල ජනතාව අතර වෛරස් උණ රෝගයක් ව්‍යාප්ත වෙමින් ඇති බව සෞඛ්‍ය අංශ අනාවරණය කරනවා.…
විදෙස්ගත ශ්‍රමිකයින්ට මෙරටට විද්‍යුත් වාහන ගෙන්වීමට ලබා දී තිබූ බලපත්‍ර 1000කට අධික සංඛ්‍යාවක් අවභාවිත කර…