අද පැවැත්වෙන නව සැසිවාරය විවෘත කිරීමේ උත්සවයට සහභාගි නොවීමට සමගි ජනබලවේගය තීරණය කර තිබෙනවා.
ඒ පාර්ලිමේන්තුවේ වාර අවසන් කිරීම හරහා කාරක සභා රැසක් අවලංගු වී තිබීම හේතුවෙන්.
කොළඹ පැවති මාධ්‍ය හමුවකට එක්වෙමින් එහි ජ්‍යෙෂ්ඨ උප සභාපති පාර්ලිමේන්තු මන්ත්‍රී ලක්ෂ්මන් කිරිඇල්ල මහතා මේ බව සදහන් කළා.
එසේම පාර්ලිමේන්තු මන්ත්‍රී ඩලස් අලහප්පෙරුම මහතාගේ නායකත්වයෙන් යුත් මන්ත්‍රී කණ්ඩායමද පාර්ලිමේන්තුව විවෘත කිරීමේ උත්සවයට සහභාගී නොවීමට තීරණය කර තිබෙනවා.
කෙසේ වෙතත් සමගි ජන බලවේගය පක්ෂය සමග සන්ධාන ගතව සිටින සෙසු දේශපාලන පක්ෂ රැසක් එම උත්සවයට සහභාගිවීමට නියමිතයි.
එසේම දෙමළ ජාතික සන්ධානය සහ ශ‍්‍රී ලංකා නිදහස් පක්ෂයද මීට සහභාගී වන බව එම පක්ෂ ආරංචි මාර්ග සදහන් කළා.
එමෙන්ම ජාතික ජන බලවේගය ද අද පැවැත්වෙන නව සැසිවාරය විවෘත කිරීමේ උත්සවයට සහභාගී නොවීමට තීරණය කළ බව විජිත හේරත් සඳහන් කළා.