තුර්කි භූමිකම්පාවේ අලුත්ම තත්ත්වය මෙන්න !

තුර්කියේ සහ සිරියාවේ භූමිකම්පාවෙන් සිදු වු මරණ සංඛ්‍යාව 7,200 ඉක්මවා ගොස් ඇති බව වාර්තා වෙයි.

භූකම්පනය හේතුවෙන් සිරියාවේ මියගිය සංඛ්‍යාව 1,800ක් වන අතර තුර්කියේ මියගිය සංඛ්‍යාව 5,400ක් වන බව විදෙස් මාධ්‍ය වාර්තා කරයි.

මේ වන විට භූමිකම්පාවෙන් විපතට පත්වූවන් සඳහා සහන සැලසීමට රටවල් 70කින් සහනාධාර මෙන්ම සහන සේවා කණ්ඩායම් යොමුකර ඇති බව සඳහන්ය.

ගොඩනැගිලි සුන්බුන් අතර සිරවී සිටින පුද්ගලයින් මුදා ගැනීම සඳහා තවදුරටත් මෙහෙයුම් සිදුකරන අතර මෙක්සිකෝව විසින් මුදාගැනීමේ මෙහෙයුම් සඳහා විශේෂයෙන් පුහුණු කරන ලද සුනඛයින් 16දෙනෙකු ඇතුළු කණ්ඩයමක් තුර්කිය වෙත පිටත්කර යවා ඇති බව විදෙස් මාධ්‍ය වාර්තා කරයි.

එම අපාදාව හේතුවෙන් මාස 03ක හදිසි තත්ත්වයක් තුර්කි ජනාධිපතිවරයා විසින් ප්‍රකාශයට පත්කර තිබේ.