විදේශ ගමන් බලපත්‍ර සකස් කර දෙන බවට පවසා මුදල් වංචා කළ සැකකරුවන් දෙදෙනෙක් තලංගම පොලිස් ස්ථානය මගින් ඊයේ (31) අත්අඩංගුවට ගෙන තිබෙනවා.
තලංගම පොලීසියට ලද පැමිණිලි 3ක් මත මේ සම්බන්ධයෙන් විමර්ශන ආරම්භ කර තිබේ.
සැකකරුවකු සන්තකයේ තිබී පුද්ගලයන් දෙදෙනෙකුගේ ජාතික හැඳුනුම්පත් ද සොයා ගෙන තිබෙනවා.
එක්දින සේවය යටතේ විදේශ ගමන් බලපත්‍ර සකස් කර දෙන බවට පවසා ජාතික හැඳුනුම්පත් හා ලිපිද්‍රව්‍ය ලබාගෙන මුදල් වංචාව සිදුකර තිබෙන බවයි වාර්තා වන්නේ.
එක් පැමිණිල්ලකට අදාළ සැකකරුවෙකු බොරලැස්ගමුව පොලිස් ස්ථානය මගින් ඊයේ අත්අඩංගුවට ගෙන ඇති අතර, සැකකරු සන්තකයේ තිබී ජාතික හැඳුනුම්පතක්, රුපියල් 15,000 ක් සහ විදේශ ගමන් බලපත්‍ර සකස් කරන ලද ව්‍යාජ ටෝකන් පත් 9ක් සොයා ගෙන තිබෙනවා.
අත්අඩංගුවට ගත් සැකකරුවන් වයස අවුරුදු 47 හා 65 ක් වන මාලඹේ සහ කොළඹ 9 ප්‍රදේශයේ පදිංචිකරුවන්ය.
සැකකරුවන් අද (01) කඩුවෙල මහෙස්ත්‍රාත් අධිකරණයට ඉදිරිපත් කිරීමට නියමිතය.