පාකිස්තානයේ ගෑස් පිපිරීමකින් 16ක් මරුට

පාකිස්තානයේ බලොචිස්තානයේ සිදු වූ ගෑස් පිපිරීමක් හේතුවෙන් පුද්ගලයින් 16 දෙනෙකු ජීවිතක්ෂයට පත් වී ඇති බව විදෙස් මාධ්‍ය වාර්තා කරයි.

නිවසක සිදු වූ ගෑස් කාන්දුවීමකින් අදාළ පිපිරීම සිදුව ඇත. ගෑස් පිපිරීමෙන් මිය ගිය අය අතර කුඩා ළමුන් සිව් දෙනෙකු ද සිටින බව වැඩිදුරටත් වාර්තා වේ.

ගෙවුණු සතිය තුළ පාකිස්තානයේ බලොචිස්තාන් ප්‍රදේශයේ ගෑස් කාන්දුවීම් හේතුවෙන් සිදු වූ අනතුරුවලින් පුද්ගලයින් මියයෑමේ සිද්ධින් කිහිපයක් ද වාර්තා වූ බව විදෙස් මාධ්‍ය සඳහන් කරයි.