ප්‍රවාහන හා ජනමාධ්‍ය අමාත්‍ය බන්දුල ගුණවර්ධන මහතාගේ පුත් චතුර ශාන් ගුණවර්ධන මහතා ‘A’ ශ්‍රේණියේ ගායන ශිල්පියෙක් ලෙස සහතික පත්‍රයක් ලබාගෙන තිබෙනවා.
ඒ ගුවන්විදුලි සංස්ථාවේ සභාපති හඩ්සන් සමරසිංහ මහතා අතින්.
අදාළ සහතික පත්‍රයේ සදහන් වන්නේ චතුර ගුණවර්ධන මහතා කටහඩ පරීක්ෂණයෙන් A සාමාර්ථයක් ලබාගෙන ඇති බවයි.
ඒ අනුවට ඉදිරියේදී ඔහුට වාරානුකූල වැඩසටහන් පැවරෙනු ඇති බවද සහතිකයේ සදහන්.
පසුගිය දෙසැම්බර් 31 වැනිදා ගාලු මුවදොරදී පැවති සංගීත ප්‍රසංගයක බන්දුල ගුණවර්ධන මහතාගේ පුත් චතුර ගුණවර්ධන මහතාට එම ප්‍රසංගයේ ගායනා කිරීමට අවස්ථාවක් ලබානොදීම සම්බන්ධයෙන් උණුසුම් තත්ත්වයක්ද හටගත්තා.
