නිදහස් ජනතා සන්ධානය පහන ලකුණින් තරග බිමට !

පාර්ශ්ව රැසක් නියෝජනය කරන නිදහස් ජනතා සන්ධානය නමින් පහන ලකුණින් මෙවර පළාත් පාලන මැතිවරණයට තරග කිරීමට සාකච්ඡා කර ඇතැයි පාර්ලිමේන්තු මන්ත්‍රී ශාන් විජයලාල් ද සිල්වා මහතා පවසයි.

ඔහු පෙන්වා දෙන්නේ ඊට අදාළ සියලු කටයුතු මේ වනවිට සිදුවෙමින් ඇති බවය.

“ශ්‍රී ලංකා නිදහස් පක්ෂය, පොදුජන පෙරමුණේ ඉඳලා කැඩිලා ගියපු ඩලස් අලහප්පෙරුම මැතිතුමාගේ නායකත්වයෙන් තිබෙන නිදහසේ ජනතා කණ්ඩාවම, ලංකා සමසමාජ පක්ෂය, කොමියුනිස්ට් පක්ෂය, විමල් වීරවංශ මහතාගේ ජාතික නිදහස් පෙරමුණ, උදය ගම්මන්පිල මහතාගේ පිවිතුරු හෙළ උරුමය, රතන හිමියන්ගේ විජය ධරණී දේශපාලන පක්ෂය, ගෙවිඳු කුමාරතුංග මන්ත්‍රීතුමාගේ යුතුකම සංවිධානය, ද්‍රවිඩ හා මුස්ලිම් පක්ෂද ඇතුළුව කණ්ඩායම් රැසක් අපි එකක් තරග වදිනවා. අලුත් නමකින් ජනතා නිදහස් සන්ධානය කියන නාමය තුළ පහන ලකුණින් තමයි ඉදිරි පළාත් පාලන මැතිවරණයට ඉදිරිපත් වෙන්න මේ වනවිටත් තීන්දු කරලා තිබෙන්නේ.”