උතුරු දුම්රිය මාර්ගයේ ධාවන කටයුතු අද සිට මාස 5ක් දක්වා සීමා කරන බව දුම්රිය දෙපාර්තමේන්තුව පවසනවා. එහි නියෝජ්‍ය දුම්රිය සාමාන්‍යාධිකාරී ගමනාගමන, ගාමණී සෙනෙවිරත්න පැවසුවේ අනුරාධපුරයේ සිට වවුනියාව දක්වා වූ කොටස නවීකරණය කිරීම හේතුවෙන් ඒ අතර දුම්රිය ධාවනය නතර කරන බවයි.
මහව සිට ඕමන්තය දක්වා දුම්රිය මාර්ගය නවීකරණ ව්‍යාපෘතිය යටතේ මුල් අදියර ලෙසයි අනුරාධපුර සිට වවුනියාව දක්වා කොටස අලුත්වැඩියා කෙරෙන්නේ. ඉන්දීය ණය ආධාර ක්‍රමට යටතේ එම ව්‍යාපෘතිය සඳහා වැය කිරීමට නියමිත මුදල ඇමෙරිකානු ඩොලර් මිලියන 91කට අධිකයි.