සැමියෙකුට තම බිරිඳව අමතකව කිලෝමීටර් 160කට ආසන්න දුරක් රථය පදවාගෙන ගිය පුවතක් විදෙස් මාධ්ය වාර්තා කර තිබේ.
මෙම සිදුවීම වාර්තාවන්නේ තායිලන්තයෙනි.
අදාළ සිදුවීමට මුහුණදී ඇත්තේ 55 හැවිරිදි වියේ පුද්ගලයෙකු සහ ඔහුගේ 49 හැවිරිදි වියේ පසුවන බිරිඳයි.
එහිදී ඔවුන් සිය බිරිඳගේ උපන් ගමට යමින් සිටියදී මෙම සිදුවීමට මුහුණදී ඇති බව එම වාර්තා පවසයි.
සිය ගමන අතරමගදී සැමියා ශරීර කෘත්ය කිරීම සඳහා කැලයක් ආසන්නයේ සිය රථය නවතා ගොස් නැවත පැමිණ රථය පණගන්වා ඉදිරියට ධාවනය කර ඇත.
ඒ වනවිටත් රථයේ පසුපස අසුනේ නිදා සිටි බිරිඳද සිය ශරීර කෘත්ය සිදුකිරීම සඳහා රථයෙන් බැස ගොස් තිබේ.
අදාළ සැමියා මේ බව නොදැන රථය ඉදිරියට ධාවනය කර ඇත.
ඔහු පවසා ඇත්තේ සිය බිරිඳ පසුපස අසුනේ නිදා සිටින බවට තමන් සිතූ බවය.
කෙසේ වෙතත් කැලය ආසන්නයේ තනිවූ බිරිඳ මුදල් හෝ ජංගම දුරකථනයක් නොමැතිව දැඩි අපහසුතාවයකට පත්ව තිබේ.
කෙසේ වෙතත් ඇය එම ස්ථානයේ සිට කිලෝමීටර් 13ක දුරක් ඉදිරියට ඇවිදගොස් පොලිස් ස්ථානයක් වෙත පැමිණ තමන්ට සිදුවූ දේ පවසා ඇත.
අනතුරුව ඒ වනවිටත් කිලෝමීටර් 160ක පමණ දුරක් සිය රථය ඉදිරියට ධාවනය කර සිටි අදාළ සැමියා තම බිරිඳ රථයේ නොමැති බව දැනගැනීමෙන් පසුව ඇය සොයා නැවත පැමිණ තිබේ.
මාතර සිට හම්බන්තොට හරහා පොතුවිල් දක්වා සහ කන්කසන්තුරයේ සිට මන්නාරම හරහා පුත්තලම දක්වා මුහුදු ප්රදේශවල…
අධ්යාපන ආයතන සඳහා විදෙස් සිසුන් බඳවා ගැනීම තවදුරටත් අවම කිරීමට කැනේඩියානු රජය තීරණය කර තිබෙනවා.…
පහ ශ්රේණිය ශිෂ්යත්ව විභාග සම්බන්ධයෙන් අධ්යාපන අමාත්යාංශය විශේෂ නිවේදනයක් නිකුත් කර තිබෙනවා. එහි සඳහන් වන්නේ,…
සංචාරක නවසීලන්තය කණ්ඩායම සහ ශ්රී ලංකා කණ්ඩායම අතර ගාල්ල ජාත්යන්තර ක්රිකට් ක්රීඩාංගණයේ දී පැවැත්වෙන පළමු…
පොළොන්නරුව බකමූණ ප්රදේශයේ ප්රධාන පෞද්ගලික ඇඟලුම් කර්මාන්තයක ආහාර විෂ වීමකින් අසාධ්ය වූ එහි සේවක සේවිකාවන්…
හිටපු සෞඛ්ය අමාත්යය කෙහෙළිය රඹුක්වැල්ලගේ පුත් රමිත් රඹුක්වැල්ලට අයත් සුඛෝපභෝගී නිවාස දෙකක් පරිහරණය කිරීම තහනම්…