පේරාදෙණිය විශ්වවිද්‍යාලයේ හිටපු උපකුලපති මහාචාර්ය අතුල සේනාරත්නට සහ ඔහුගේ පුත්‍රයා ඇතුළු පවුලේ සාමාජිකයන්ට පහර දී නිල නිවසට අලාභහානි සිදු කිරීමේ සිද්ධියට අදාළව අත්අඩංගුවට ගනු ලැබූ සරසවි සිසුන් 13 දෙනා යළි රක්ෂිත බන්ධනාගාර ගත කර තිබෙනවා.
මහනුවර ප්‍රධාන මහේස්ත්‍රාත්වරයා නියෝග කළේ සැකකරුවන් ලබන 18 වනදා තෙක් යළි රක්ෂිත බන්ධනාගාර ගත කරන ලෙසටයි.
අදාළ සිද්ධිය සම්බන්ධයෙන් පේරාදෙණිය විශ්වවිද්‍යාලය මගින් සිසුන් 14 දෙනෙකුගේ ශිෂ්‍යභාවය තාවකාලිකව අත්හිටුවා තිබෙනවා.