පළමු T20 තරගයෙන් ඉන්දියාවට ලකුණු 2ක තියුණු ජයක් !

ඉන්දියාවේ මුම්බායි හි වන්කඩේ ක්‍රීඩාංගණයේ පැවති ඉන්දු-ශ්‍රී ලංකා පලමු පන්දුවාර විස්ස තරගයේ ජයග්‍රහණය ඉන්දීය කණ්ඩායම සතුවුනා.

අතිශයින් උණුසුම් අවසානයක් කරා රැගෙන ගිය මෙම තරගයේ අවසන් පන්දුවේදී ශ්‍රී ලංකා කණ්ඩායමට ලකුණු හතරක් ලබා ගැනීමට නියමිතව තිබූ අතර පන්දුවට පහර දුන් චාමික කරුණාරත්න ට ලබා ගත හැකි වූයේ එක් ලකුණක් පමණයි.

ඒ අනුව ඉන්දීය කණ්ඩායම පළමු තරගයෙන් ලකුණු දෙකක තියුණු ජයග්‍රහණයක් අත්කර ගන්නට සමත් වුණා. තරගයේ පළමුව පන්දුවට පහර දුන් ඉන්දීය කණ්ඩායම නියමිත පන්දුවාර 20 අවසානයේදි කඩුලුු පහකට ලකුණු 162ක් ලබාගත් අතර පිළිතුරු ඉනිමේ දී ශ්‍රී ලංකා කණ්ඩායම නියමිත පන්දුවාර 20 තුළ දී සියලුම ක්‍රීඩකයින් දැවී රැස්කර ගත්තේ ලකුණු 160ක් පමණයි.

ශ්‍රී ලංකා ඉනිම වෙනුවෙන් නායක දසුන් ශානක පන්දු 27 කදී ලකුණු 45 ක් ලබාගත් අතර කුසල් මෙන්ඩිස් ලකුණු 28 සහ චාමික කරුණාරත්න පන්දු 16කදී නොදැවී ලකුණු 23ක්ක් රැස් කරගත්තා.

අද දිනයේ ඉන්දීය කණ්ඩායම වෙනුවෙන් පන්දු වාර 20 වරම් ලැබූ ශිවම් මාවී පන්දු ඕවර හතරක් යවමින් ලකුණු 22 කට කඩුලු 4ක් දවා ගැනීම විශේෂ සිදුවීමක්.