යුක්‍රේනයේ මිලියන 09ක පමණ පිරිසකට විදුලිය නොමැති බව යුක්‍රේන ජනාධිපති වොලොදිමීර් සෙලෙන්ස්කි පවසයි.
ඊයේ (26) රාත්‍රියේ වීඩියෝ තාක්ෂණය ඔස්සේ සම්බන්ධ වෙමින් ජනාධිපතිවරයා මේ බව ප්‍රකාශ කර ඇති බව විදෙස් මාධ්‍ය වාර්තා කර තිබේ.
අඛණ්ඩව එල්ල වන රුසියානු ප්‍රහාර හමුවේ විදුලි බලය පවත්වාගෙන යාමේ ගැටලු පවතින බව යුක්‍රේන ජනාධිපතිවරයා පෙන්වා දෙයි.
එරට විදුලි සේවකයින් විසින් ජාලය අලුත්වැඩියා කිරීමේ කටයුතු සිදුකරමින් පවතින බව ද විදෙස් මාධ්‍ය වාර්තා කළේය.
විදුලි හිඟය තවදුරටත් පැවතිය ද විදුලිය විසන්ධිව පවතින කාලය ක්‍රමයෙන් අඩුවනු ඇති බව ද යුක්‍රේන ජනාධිපතිවරයා පවසයි.