සමාජ සවිබල ගැන්වීම් රාජ්ය අමාත්ය අනුප පැස්කුවල් සහ එම අමාත්යාංශ නිලධාරීන් කොළඹදී පැවැත්වීමට නියමිතව තිබූ රැස්වීමකට විනාඩි 30ක් ප්රමාද වීම සම්බන්ධයෙන් දකුණු කොරියානු ආපදා සහන පදනමේ (SKDRF) සභාපති චෝ සුං ලී විසින් දැඩි දෝෂ දර්ශනයට ලක් කර තිබේ.
සමාජ සවිබල ගැන්වීම් අමාත්යාංශයේදී ඊයේ පැවති මෙම හමුවේදී දකුණු කොරියාවේ වත්මන් ආර්ථික අර්බුදයෙන් මිදීමට ශ්රී ලංකාවට උපකාර කළ හැකි ආකාරය පිළිබඳව සොයා බැලීය.
“නියමිත රැස්වීමක් විනාඩි 30 කින් ආරම්භ කිරීමට ප්රමාද වීම හොඳ සලකුණක් නෙවෙයි. තම පොරොන්දු ඉටු කරන්න, වෙලාවට වැඩ කරන්න ඇමතිවරුන් පුරුදු වෙන්න ඕනෙ. දකුණු කොරියාවෙ මෙහෙම වුණානම් මේ ගැන ප්රශ්ණ කරලා විනය පියවර ගන්නවා. මේ වගේ ඇමැතිවරු හමුවෙලා පලක් නෑ. රැස්වීමක් නිශ්චිත වේලාවකට සැලසුම් කරලා තියෙනවනම්, ඒක ඒ වෙලාවෙම පටන් ගන්න ඕනෙ. එහෙම කරන්න බැරිනම් එහෙම පුද්ගලයො හමුවෙලා වැඩක් නෑ. ලංකාවේ බොරු කීම, පොරොන්දු දීම සාමාන්ය දෙයක් වෙලා, ඒක එයාලගේ සංස්කෘතියේ කොටසක් වෙලා. රටක් විදියට පිටරටකයෙක්ගෙන් මේ වගේ දේවල් අහන්න ම ලැජ්ජ වෙන්න ඕනේ. ලංකාවේ මිනිස්සුන්ට ඒ පුරුද්ද වෙනස් කරන්න බැරි නම්. විදේශිකයන් සමඟ සබඳතා ඇති කරගන්න බෑ. ජනතාව දුන් පොරොන්දු ඉටු කළ යුතුයි. ඒවා ඉටු කිරීමට කිසිදා අමතක නොකළ යුතුයි. ජීවිතය ගියත් පොරොන්දු ඉටු කළ යුතුයි. ඇමැතිවරු වුණත් එහෙම කරන්න ඕන. එහෙම නොවුණොත් මේ වගේ ඇමැතිවරු හමුවෙලා වැඩක් නැහැ. ජනතාව බොරු කියන්න එපා.” යැයි දකුණු කොරියානු ආපදා සහන පදනමේ (SKDRF) සභාපති චෝ සුං ලී මහතා ප්රකාශ කළේය.
යාපනයේ පෙරියවිලාන් ප්රදේශයේ 13 හැවිරිදි පාසල් සිසුවෙකු සිය නිවසේදී ගෙල වැළලාගෙන මියගොස් තිබෙනවා. මේ දරුවා…
ඊයේ (16) පැවති පහ ශ්රේණිය ශිෂ්යත්ව විභාගයේ ප්රශ්න පත්රය වට්ස්ඇප් මාධ්ය ඔස්සේ හුවමාරු වී ඇති…
2024 ජනාධිපතිවරණය විශේෂ රාජකාරී සහ ආරක්ෂාව වෙනුවෙන් පොලිස් නිලධාරීන් 60,000ක් යෙදවීමට තීරණය කර ඇති බව…
හැටන්, නුවරඑළිය මාර්ගයේ නානුඔය වින්ඩිකොනර් ප්රදේශයේදී සිදු වූ රිය අනතුරකින් පුද්ගලයෙකු තුවාල ලබා මේ වනවිට…
කඩවත නගරයේ හෝටලයක ෆේස්බුක් සාදයකට එක්ව මත්ද්රව්ය භාවිත කරමින් සිටි තරුණයින් 14දෙනෙකු අත්අඩංගුවට ගෙන තිබෙනවා.…
වලංගු රියැදුරු බලපත්රයක් නොමැතිව කාර් රථයක් පැදවීමේ සිද්ධියක් සම්බන්ධයෙන් මීරිගම ප්රදේශයේ විහාරස්ථානයක වැඩවාසය කරනු ලබන…