මෙවර පැවති සාමාන්ය පෙළ විභාගය සමත් වී උසස් පෙළ ඉගෙනීම් කටයුතු සඳහා පාසලට ඇතුළත් වීමට අයදුම්පත්ර භාර දීම සඳහා පාසලට යාමට සූදානම් වෙමින් සිටි පාසල් සිසුවෙකු ඊයේ (21දා) අනුරාධපුර පූජා නගරයේදී වනඅලි ප්රහාරයට ලක්ව ජීවිතක්ෂයට පත්ව ඇති බව අනුරාධපුර පොලීසිය පවසයි. මෙලෙස ජීවිතක්ෂයට පත්වූයේ තිසාවැව,නීරාවිය, දේවානම්පියතිස්සපුර හතරවන පියවර ප්රදේශයේ පදිංචිව සිටි එම්. රශීම් මොහොමඩ් රාසීද් (අවු.17) නමැති පාසල් සිසුවෙකි.
වී වෙළෙඳාම් කටයුතුවල නිරත වන ඥාති සහෝදරයෙකු බස් රථයකට ඇරලවා යතුරුපැදියකින් නැවත තම නිවස බලා ගමන් කරමින් සිටියදී ඊයේ (21දා) අලුයම 4:45ට පමණ එල්ල වූ වනඅලි ප්රහාරයෙන් සිසුවා ජීවිතක්ෂයට පත්ව තිබූ බවත්, තිසාවැව දේවානම්පියතිස්සපුර පල්ලිය අසලින් දිවෙන මාර්ගයේ ගමන් කරමින් සිටියදී පොල් පැළයක් කා දමමින් සිටි වනඅලියෙකු දැක පැමිණි යතුරුපැදිය එම ස්ථානයේ අතහැර දමා නැවත පැමිණි දිසාවටම දිව යන අවස්ථාවේදී මීටර 100ක් පමණ දුරින් සිටි වෙනත් වනඅලියෙකු සිසුවාට පහරදී ඇති බවත් පරීක්ෂණවලදී අනාවරණය විය.
මෙම පාසල් සිසුවා මෙවර ප්රතිඵල නිකුත් වූ සාමාන්ය පෙළ විභාගයෙන් සමත්ව 12 ශ්රේණිය සඳහා පාසලට ඇතුළු වීමට අයදුම්පත්ර භාර දීමට අනුරාධපුර, සහිරා විද්යාලයට යාමට සූදානම්ව සිටියදී ඊයේ (21දා) අලුයම වනඅලි පහරකෑමට ලක්වූ බව ඥාතීහු පවසති. සිද්ධිය සම්බන්ධයෙන් අනුරාධපුර මූලස්ථාන පොලීසිය වැඩිදුර පරීක්ෂණ පවත්වයි.
ඊයේ (19) මධ්යම රාත්රියෙන් පසු ඡන්ද කොට්ඨාස මට්ටමින් පිහිටුවා ඇති සියලුම මැතිවරණ ප්රචාරක කාර්යාල ඉවත්කර…
නිහඬ කාලසීමාව තුළ මේ දක්වා මැතිවරණ නීති උල්ලංඝනය කිරීම් 50ක් වාර්තාවී ඇති බව පැෆ්රල් සංවිධානය…
පෑලියගොඩ මැනිං වෙළඳපොළට ඇතුළුවන මාර්ගයේ මේ වනවිට දැඩි රථවාහන තදබදයක් හටගෙන තිබෙනවා. ඒ අසල කිලෝමීටර්…
ශ්රී ලංකා පොදුජන පෙරමුණේ නිර්මාතෘ, හිටපු මුදල් අමාත්ය බැසිල් රාජපක්ෂ මහතා අද (20) උදෑසන එමිරේට්ස්…
ජනාධිපති ධුර අපේක්ෂකයින් ප්රවර්ධනය කිරීම හේතුවෙන් හම්බන්තොට දිස්ත්රික්කයේ රාජ්ය නිලධාරින් 9දෙනෙකු මැතිවරණ රාජකාරී වලින් ඉවත්…
සබරගමුව පළාතෙත් කළුතර, ගාල්ල සහ මාතර දිස්ත්රික්ක වලත් විටින් විට වැසි ඇතිවේ. වයඹ පළාතෙත් කොළඹ,…