බස් රථයක් පදවමින් සිටි රියැදුරෙකුට හදිසියේ ඇති වූ හෘදයාබාධයක් හේතුවෙන් ඔහු බස් රථය තුළදීම ජීවිතක්ෂයට පත්ව තිබෙන පුවතක් මත්තේගොඩ ප්‍රදේශයෙන් වාර්තා වෙයි.
කොට්ටාව – පිළියන්දල 342 බස් මාර්ගයේ ධාවනය වන මෙම බස් රථය අද (20) අළුයම 5.45 පමණ පළමු ගමන් වාරය ආරම්භ කිරීම සඳහා කොට්ටාව බස් නැවතුම්පළට යමින් සිටියදී එහි රියැදුරුට මත්තේගොඩ ප්‍රදේශයේදී හෘදයාබාධ තත්ත්වයක් ඇති වී තිබෙයි.
ඉන් පසුව ඔහුට බස් රථය පාලනය කර ගැනීමට නොහැකිව මාර්ගයෙන් ඉවතට පැන යාබද නිවසක තාප්පයක් කඩා ගෙන ගොස් නැවතී තිබෙයි
බස් රථයේ රැඳී සිටි කොන්දොස්තරවරයා රියදුරු අසුන අසළට යනවාත් සමඟම රියදුරුට හෘදයාබාධයක් සෑදී අසාධ්‍යව සිටිනු දැක ඇත.
අපසුව ඒ බව බස් රථ හිමිකරු දැනුවත් කොට 1990 ගිලන් රථයක් ගෙන්වා රියැදුරු රෝහල් ගත කිරීමට යාමේදී ගිලන් රථ සේවකයින් පවසා ඇත්තේ රියදුරු ජීවිතක්ෂයට පත්ව ඇති බවයි