මෙවර ලෝක කුසලානය සිය අවසන් ලෝක කුසලානය බව ආර්ජන්ටිනා පාපන්දු නායක ලයනල් මෙසී නිවේදනය කරනවා.
මේ ඉරිදා කටාර් හි දී පැවැත්වෙන අවසන් මහා තරගය මෙසීගේ අවසන් මහා තරගය වනු ඇති.
ප්‍රංශය හා මොරොක්කෝව අතර අද (14) පැවැත්වෙන තරගයෙන් ජයග්‍රහණය කරනු ලබන කණ්ඩායම ඉරිදා ආජන්ටිනාව සමඟ තරග වැදීමට නියමිත යි.
සිය 5 වැනි ලෝක කුසලානයට ක්‍රීඩා කරමින් 35 හැවිරිදි මෙසී, ලෝක කුසලාන තරගාවලියේ ආර්ජන්ටිනාව වෙනුවෙන් වැඩි ම ලකුණු ලාභියා ලෙස ගේබ්‍රියෙල් බැටිස්ටුටා අභිබවා ගෝල 11ක් ඇස් කරගෙන තිබෙනවා.
අවසන් පූර්ව තරගයේ දීත් වික්‍රමාන්විත ක්‍රීඩාවක් කරමින් ක්‍රොඒෂියාවට එරෙහිව කණ්ඩායම ජයග්‍රහණය කරා මෙහෙයවූ මෙසී පවසන්නේ 35 වියැති තමන්ට ඊලඟ පාපන්දු ලෝක කුසලානයක් සම්බන්ධව බලාපොරොත්තු තැබිය නොහැකි බවය.