විදේශ රැකියා ලබා දීමට පොරොන්දු වෙමින් දුරකතන ඇමතුම්, කෙටි පණිවිඩ, ඊ මේල් සහ සමාජ මාධ්‍යය ඔස්සේ විවිධ අසත්‍ය තොරතුරු හුවමාරු වෙමින් පවතින බව වාර්තා වනවා.
එම පණිවිඩ හරහා ලබා දෙන තොරතුරු අසත්‍ය බවත් අදාළ තොරතුරු ලබා ගෙන මූල්‍ය වංචා සිදු වන බවත් මහ බැංකුව සඳහන් කරනවා.
මේ හේතුවෙන් නාඳුනන කිසිදු පාර්ශවයකට සිය බැංකු ගිණුම්වල තොරතුරු හා මුදල් තැන්පත් කිරීම් සිදු නො කරන ලෙස යි මහබැංකුව නිවේදනය කරන්නේ.
එවැනි පණිවිඩ සහ ඇමතුම් ලැබෙන්නේ නම්, මූල්‍ය බුද්ධි අංශය 0112 477 125 හෝ 0112 477 509 අමතන ලෙස ද මහබැංකුව සඳහන් කරනවා.