ඊයේ (11) දිනට සාපේක්ෂව දිස්ත්රික්ක රැසක වායු ගෝලයේ දූෂණ මට්ටම අද (12) ඉහළ ගොස් තිබූ බව ජාතික ගොඩනැගිලි පර්යේෂණ සංවිධානය නිකුත් කළ නවතම වාර්තාවල දැක්වුණි.
කෙසේ වෙතත් එම සංවිධානය පවසන්නේ අද දිනය තුළ වායු දුෂණය මධ්යම මට්ටමක් තුළ පවතී යැයි අපේක්ෂා කරන බැවින් එම තත්ත්වය සෞඛ්යමය වශයෙන් අහිතකර තත්ත්වයක් නොවන බවය.
කෙසේ වෙතත් වායු ගුණය කෙරෙහි සංවේදී පුද්ගලයින් හට යම් අපහසුතා ඇති විය හැකි බවද එම දෙපාර්තමේන්තුව පවසයි.
ඉන්දියාවේ නව දිල්ලි අගනුවර ඇතුළු ඒ අවට තිබු අයහපත් වායු ධාරාවල බලපෑම පසුගිය දින කිහිපය පුරා ශ්රී ලංකාවට ද දරුණු ලෙස බලපෑවේය.
වායු ගුණ තත්ත්ව දර්ශකයට අනුව කොළඹ දිස්ත්රික්කයේ වායු දූෂණ මට්ටමේ අගය ඊයේ 123ක් ලෙස දැක්වුනත් අද එය 111ක් දක්වා අඩුවී තිබේ.
කළුතර දිස්ත්රික්කයේ අගය 97 සිට 69 දක්වා පහළ බැස තිබුණි.
වායූ ගුණ තත්ත්ව දර්ශකයට අනුව රත්නපුර දිස්ත්රික්කයේ 77ක් ලෙස ඊයේ සටහන් වූ අගය අදත් එලෙසම වාර්තා වේ.
යාපනය දිස්ත්රික්කයේ ඊයේ අගය 109ක් ලෙස වාර්තා වූ අතර අද එම අගය දැක්වුණේ 103ක් ලෙසය.
වව්නියාව දිස්ත්රික්කයේ ඊයේ 91ක්ව පැවති අගය අද 69ක් දක්වා පහළ බැස තිබුණි.
එසේම ත්රිකුණාමලය දිස්ත්රික්කයේ 69ක්ව පැවති අගය 60ක් දක්වා අද පහළ බැස තිබූ අතර මුලතිව් දිස්ත්රික්කයේ 83ක්ව පැවති අගයද අද 80ක් දක්වා පහළ බැස තිබුණි.
කෙසේ වෙතත් දිස්ත්රික්ක 7ක පමණ වායු දූෂණ මට්ටමේ අගය ඊයේ දිනට සාපේක්ෂව අද ඉහළ ගොස් ඇති බව ගොඩනැගිලි පර්යේෂන ආයතනයේ දත්තවල සඳහන්ය.
ඒ අනුව බදුල්ල දිස්ත්රික්කයේ අගය 89 සිට 140 දක්වා ඉහළ ගොස් තිබේ.
කෑගල්ල දිස්ත්රික්කයේ ඊයේ 97 ක් ලෙස වාර්තා වූ අගයද අද 151ක් දක්වා ඉහළ ගොස් ඇති බව එම දත්තවල සඳහන්ය.
හම්බන්තොට දිස්ත්රික්කයේත් ඊයේ 86ක්ව පැවති අගය අද 106ක් දක්වා ඉහළ ගොස් තිබුණි.
මීට අමතරව මහනුවර, කුරුණෑගල, ගාල්ල, සහ නුවරඑළිය යන දිස්ත්රික්කවලද වායු දූෂණ මට්ටම ඊයේ දිනට සාපෝක්ෂව ඉහළ ගොස් තිබේ.
මෙහි බදුල්ල හා හම්බන්තොට ප්රදේශවල වැඩි අගයන් පෙන්වන්නේ ඒ ප්රදේශයන්ට පමණක් බලපාන තාවකාලික හේතූන් මත විය හැකි බව ජාතික ගොඩනැගිලි පර්යේෂණ සංවිධානය පවසයි.
මෙම තත්ත්වය ඊයේ දින පැවති තත්ත්වයට සමාන තත්ත්වයක් වන අතර ඉදිරි දින කිහිපය තුළම මෙම තත්ත්වය පවතිනු ඇතැයි බලාපොරොත්තු විය හැකි බව ජාතික ගොඩනැගිලි පර්යේෂණ සංවිධානය පවසයි.
බස්නාහිර, සබරගමුව සහ දකුණු පළාත්වලත් මහනුවර සහ නුවරඑළිය දිස්ත්රික්කවලත් වැසි වාර කිහිපයක් ඇතිවේ. නැගෙනහිර සහ…
ජනාධිපතිවරණයට අදාළව අපේක්ෂකයන් වෙනුවෙන් අද පැවැත්වෙන අවසන් ප්රචාරක රැළි හෙට පුවත්පත් වල පළකළ හැකි නමුත්…
ශ්රී ලංකාවට දකුණු දෙසින් වූ ගැඹුරු මුහුදේදී මාළුවකු සපාකෑමෙන් අසාධ්ය තත්ත්වයෙන් පසුවූ ධීවරයෙකු ප්රතිකාර සඳහා…
ඉදිරි දින කිහිපයේ රටේ පවතින කාලගුණ තත්ත්වය පිළිබඳ පූර්ණ වාර්තාවක් කාලගුණ විද්යා දෙපාර්තමේන්තුවෙන් ලබාගෙන ඇතැයි…
මැතිවරණය පැවැත්වෙන 21 වනදා සාමාන්ය පරිදි සෙනසුරාදා දිනයට අදාළ දුම්රිය කාලසටහන ක්රියාත්මක කෙරෙන බව දුම්රිය…
2025 නව පාසල් වාරය වෙනුවෙන් පාසල් ළමුන් ලක්ෂ 43කට අවශ්ය නිල ඇඳුම් සහ පිරිවෙන් 825…