විපක්ෂයේ සිට වත්මන් ආණ්ඩුවට සහාය දැක්වීමට පැමිණෙන පිරිස් සඳහා අමාත්‍යධූර ලබා දීමට පෙර පොදුජන පෙරමුණට අමාත්‍ය ධූර ලබාදිය යුතු බව එම පක්ෂයේ ජේෂ්ඨයන් පිරිසක් විසින් සඳහන් කර ඇත.
පොදුජන පෙරමුණේ ජාතික සංවිධායක හිටපු ඇමැති බැසිල් රාජපක්ෂ වෙත එම ජේෂ්ඨයන් පෙන්වාදී ඇත්තේ තම පක්ෂයට අමාත්‍ය ධුර 16ක් ලබා දීමට එකඟ වී ඇති බවත් පළමුව එය සිදු කළ යුතු බවයි.
2023 අයවැය අවසන් වූ නිසා වහාම කැබිනට් මණ්ඩලය අලුතින් පත් කරන ලෙසත් ඔවුන් ඉල්ලා ඇත.තවද විපක්ෂයෙන් පැමිණ අය සදහා ප්‍රධාන අමාත්‍ය ධුර ලබා නොදෙන්නැයිද ඉල්ලීම් කර ඇති බව වාර්තා වේ.
හිටපු අමාත්‍ය බැසිල් රාජපක්ෂ විසින් මෙම ඉල්ලීම් ජනාධිපති රනිල් වික්‍රමසිංහට දැනුම් දී ඇති බවද වාර්තා වේ.
එසේ අලුතින් පැමිණෙන මන්ත්‍රීවරුන්ට අමාත්‍ය ධුර ලබා දුන්නොත් ආණ්ඩුවට සහාය දැක්වීමෙන් ඉවත් වන බවද එම මන්ත්‍රීවරුන් පිරිස සඳහන් කර ඇති බව වාර්තා වේ.