ඒකාබද්ධ තැපැල් වෘත්තීය සමිති පෙරමුණ විසින් එක්දින සංකේත වැඩවර්ජනයක් ආරම්භ කර තිබේ.
අද (11) පස්වරු 04.00 ට ආරම්භ කෙරුණු මෙම වැඩවර්ජනය හෙට (12) මධ්‍යම රාත්‍රිය දක්වා ක්‍රියාත්මක කෙරෙන බවයි එම පෙරමුණේ සම කැඳවුම්කරු චින්තක බණ්ඩාර මහතා සඳහන් කළේ.
මධ්‍යම තැපැල් හුවමාරුවේ පවතින අතිකාල ක්‍රමය සංශෝධනය කිරීම ඇතුළු ඉල්ලීම් කිහිපයක් මුල් කරගනිමින් මෙම වැඩවර්ජනය දියත් කර ඇත.
හෙට දවස තුළ දිවයිනේ කිසිදු තැපැල් ස්ථානයකින් තැපැල් සේවා ලබාගැනීමට පාරිභෝගිකයින්ට ඉඩ නොලැබෙන බවත් චින්තක බණ්ඩාර මහතා ප්‍රකාශ කළේය.