වායු දූෂණය මැන බලන වායු තත්ත්ව දර්ශකයේ අගය අද (08), 181ක් (කොළඹ) ලෙස සටහන් වී තිබෙනවා.
සෞඛ්‍යයට අහිතකර අගය ලෙස සැළකෙන්නේ 150 – 200 අතර අගයන් වන අතර ඒ අනුව මෙම තත්ත්වය සෞඛ්‍යයට අහිතකර බවයි වාර්තා වන්නේ.
වාතයේ ගුණාත්මක භාවය අතිශය සෞඛ්‍ය සම්පන්න නොවන මට්ටමකට පැමිණීමත් සමඟ දරුවන්, වැඩිහිටියන්, ගර්භනී මව්වරුන් හා නිදන්ගත රෝග, ශ්වසන රෝග ඇති පිරිස් වෙත බලපෑමක් එල්ලවිය හැකි බව රිච්වේ ආර්යා ළමා රෝහලේ වෛද්‍ය චන්න ද සිල්වා පවසනවා.
ඒ අනුව මෙම තත්ත්වය සමනය වන තුරු දරුවන් හැකි පමණ අනවශ්‍ය ලෙස බාහිර පරිසරයට යොමු කිරීමෙන් හැකි පමණ වළක්වා ගැනීම වැදගත් බවයි ඔහු සඳහන් කරන්නේ.
එසේම මෙම තත්ත්වය සඳහා නියමිත ප්‍රමිතියෙන් යුතු මුහුණු ආවරණයක් භාවිතා කරන ලෙසයි රිච්වේ ආර්යා ළමා රෝහලේ වෙවද්‍ය චන්න ද සිල්වා වැඩිදුරටත් සඳහන් කළේ.