COVID-19 වසංගතය අතරතුර විදේශගතව සිට ආපසු පැමිණීමේ දී පනවා තිබූ සීමාවන් සම්පූර්ණයෙන්ම ලිහිල් කර තිබෙනවා.
ඒ අනුව ඕනෑම ගුවන් තොටුපළක් හෝ මුහුදු තොටක් හරහා ශ්‍රී ලංකාවට පැමිණෙන ඕනෑම පුද්ගලයකු විසින් COVID-19 එන්නත් සහතිකයක් ඉදිරිපත් කිරීමේ අවශ්‍යතාවය අඟහරුවාදා (06) සිට ක්‍රියාත්මක වන පරිදි ඉවත් කළ බවයි සෞඛ්‍ය සේවා අධ්‍යක්ෂ ජනරාල්වරයා පැවසුවේ.
ඕනෑම ගුවන්තොටුපළක් හෝ මුහුදු තොටක් හරහා ශ්‍රී ලංකාවට පැමිණෙන ඕනෑම පුද්ගලයෙකු විසින් ගොඩබෑමට පෙර හෝ පැමිණීමේදී ඍණාත්මක COVID-19 පරීක්ෂණයක් (PCR/RAT) ඉදිරිපත් කිරීමේ අවශ්‍යතාවය තවදුරටත් අවශ්‍ය නොවන බව ද සෞඛ්‍ය සේවා අධ්‍යක්ෂ ජනරාල්වරයා සඳහන් කළා.
විදේශීය ජාතිකයන්/සංචාරකයින් ශ්‍රී ලංකාවට පැමිණීමෙන් පසු COVID-19 ධනාත්මක බවට පත් වුවහොත්, ඔවුන් පෞද්ගලික රෝහලක/හෝටලයක/පදිංචි ස්ථානයක දින 7ක් හුදකලා විය යුතු වනවා.
ප්‍රතිකාර/හුදකලා වීමේ පිරිවැය විදේශීය පුරවැසියන්/සංචාරකයින් විසින් දැරිය යුතුයි.